ISAYAASI 65:2 - Qullaawa Maxaafa

² Uminsa hedo shorritanni, busha doogo higge hadhannorira, haxawarra gosara barra wo'ma anga'ya diriirsoommo.

ISAYAASI 65:2 ပူးပေါင်းရင်းမြစ်များ

KALAQAMA 6:5

Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi.

FAARSO 36:4

Ma'nasira hee're sarraaqo malanno; busha doogonni horonta difafanno; busha coye calla baxanno.

FAARSO 36:5

Kaaliiqa! Bagamannokkihu baxillikki gordoho qasi'rino; halaalaanchimmakkino gomichu geeshsha iillitino.

LAWISHSHA 1:24

Anewa dagginanni gede anga'ya fane woshshoomma'ne. Ki'ne kayinni macciishsha dihasidhinoonni; ani yeemmareno dunqulli assitinoonni.

LAWISHSHA 16:29

Mararro afi'rinokki manchi jaalasi awaawure, busha doogo qole haa're ha'ranno.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 30:1

Kaaliiqi, «Haxawarra oosora aanne'e! Ane doogo agurte uminsa doogo hadhanno. Ane hedora gobbaanni gondooro e'anni, cubbu aana cubbo lexxitanno.

ISAYAASI 30:9

Insa wo'manka woyite kaphitanni Kaaliiqira badhe wodhite hexxinannikkire ikkitino.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 55:8

Kaaliiqi, «Hedo'ya hedo'ne gedeeta, doogo'ya doogo'ne gedeeta di"ikkitino.

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ISAYAASI 66:18

Anino loosonsanna hedonsa afoommo daafira, gosa baala gamba assammora dayemmo; gamba yite dagganno woyite ayirrinye'ya affanno.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

ISAYAASI 66:4

Ani woshshummo yannara yee yaa gibbe, coyi'rummo woyiteno macciishsha gibbe, busha coye assa doodhitino daafira, waajjishannoha busha coye aanansa dirriseemmo» yii.

ERMIYAASI 18:12

Insa kayinni, ‹Beebba daafurtooti! Ninke hendoommore diagurreemmo; ronsoommo gede haxawarrimmankenna bunshenke garinni hee'neemmo› yitanno» yii.

ERMIYAASI 3:17

Hatte yannara, Yerusaalame, ‹Ayirrado Kaaliiqi barcimaati› yinanni. Mannu ane magansi'rara, gashshootu baalu giddonni hakkiira gamba yaanno; hakkunni gedensaanni hettisamaanchunna bushu wodanire di"ikkitinanni.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

ERMIYAASI 5:23

Ki'ne kayinni hettisamaanonna, haxawarra manna ikkitinoonnihura, ane agurtine umi'ne doogo hadhinoonni.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

KIIRO 15:39

Wodani'ne yorihunna ille'ne la'uhu baalu hoode hadhinanni foortinannikki gede konne handaara la'inanni, Kaaliiqi hajajo qaagginanni gede assanno'ne.

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

LUQAASI 13:34

«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni.

ROOMU SOKKA 10:21

Israeelete daafira coyi'ranni, «Hajajantannokkirenna haxawarra gosa barra wo'ma anga'ya fane agaroommo» yaanno.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

MARRO 29:19

«Techo ninke mereero hee're tenne lowo geeshsha kaajjado hajajo macciishshe kae wodana mokkookke umisi doogo ha'rannohu hee'riro, ‹Baalunku coyi qinaannoe› yee umosi dogannokki gede agadho. Hattoo manchi danchunna bushu mannira bao abbanno.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

MARRO 9:7

«Magano'ne Kaaliiqa halallitte baattora hanqissinisita qaagge; horonta habbinoonte. Gibitsetenni fultini barrinni kayissine techo geeshsha Kaaliiqira maahoyye gibbinoonni gedeenni kawiichira iillitinoonni.