ISAYAASI 61:8 - Qullaawa Maxaafa

⁸ Kaaliiqi, «Ani halaale baxeemmo; mulqi'ranna sao giweemmo. Ammanama'yanni manni'yara malino ba'raa'ra eemmo; insa ledono hegere gondooro e"eemmo.

ISAYAASI 61:8 ပူးပေါင်းရင်းမြစ်များ

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

FAARSO 105:10

Konne coye Yaiqoobira wodho, Israeelete gondooro asse worino.

FAARSO 11:7

Kaaliiqi halaalaancho ikkino daafira, halaale baxanno. Wodana subbinori ledosi heedhanno.

FAARSO 32:8

Kaaliiqi, «Rosiiseemmohe; ha'ratto doogono kuleemmohe; amaaleemmohe; ille'ya ate aana woreemmo.

FAARSO 33:5

Isi keeraanchimmanna halaalaancho yoo baxanno; Kaaliiqihu bagamannokki baxilli baatto wo'mino.

FAARSO 37:28

Kaaliiqi halaale baxanno daafira, keeraano dihunanno; keeraano hegerera heedhanno; bushuullu sirchi kayinni ba"anno.

FAARSO 45:7

Ati halaale baxatto; bunshe giwatto; kunnira, wole mootoollanni rooratto gede, Maganu Maganikki hagiirru buuro buurinohe.

FAARSO 50:5

«Kakkalotenni ledo'ya gondooro e'inore, dooraminoha manna'ya anewa gamba asse» yaanno.

FAARSO 62:10

Wolqisa'nenni adawadhitinoonte; saantine duubbinara heddinoonte; jiro afidhiniro nafa, ise addaxxitinoonte.

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

LAWISHSHA 8:20

Ane doogo keeraanchimmannite; ha'rumi'yano halaalunniho.

ISAYAASI 28:17

Taashsha, bikkinanni siiwo asseemmo; keeraanchimma qole, sumbete heelliicho asseemmo. Golo assidhinoonni kapho kaade gantanno; maaxantinanniwano lolahu adhe sa"anno.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 5:16

Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

ISAYAASI 54:10

Ilaallanna gaarra nafa shafantara dandiitanno; ani ate baxoommo baxilli kayinni hegerera kaajje hee'ranno. Keeru gondoorino didiigamanno; ate marareemmohu ani Kaaliiqi togo yoommo» yii.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HIZIQEELI 16:60

Ikkollana, anjekki yannara ate ledo eoommo gondooro qaageemmo; hegere gondooro ate ledo e"eemmo.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

MILKIYAASI 1:13

Qoltineno, ‹Kuni mayi qarraati!› yitinanni ceeggifattinoonni. Kakkalo'ya darga mishshinoonni. Kakkalote moorroonnita, dhiwantinotanna naaffino saada abbitinanni. Hattoo kakkalo ani Olantote Mootichi Kaaliiqi anga'nenni adheemmoha lawanno'neni?

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

LAYINKI TESELONQE 3:5

Mootichu wodana'ne Maganu baxilliwanna Kiristoosi cincawa qole xaaddeesso'ne.