ISAYAASI 61:3 - Qullaawa Maxaafa

³ Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 61:3 ပူးပေါင်းရင်းမြစ်များ

ASTEERI 8:15

Merdookiyoosi kuulaamenna waajjo mootete mini uddano uddi're, xiillicha kaabba aanaho ga'ne, xuma culku ba'latto umoho wodhe mootete mininni fuli. Mannuno hagiirrunninna ililleettetenni Suusa Katama milli assi.

ASTEERI 9:22

Tini barruwa Ayihude diininsa anganni gatte fooliishsho afidhinote. Dadillunninna yaaddotenni fulte hagiirrenna harshammo afidhinohu kunni aganiraati. Tenne barruwanni ayyaana assidhe hagiidhitanninna ji'litanni, mimmitohono sagale afanshitanninna buxaneteno afansha uyitanni ayirrissanno gede kulinsa.

FAARSO 104:15

Hagiirsiissannota woyinete xajje, alba mucci assitanno zayitenna, wolqa uyitanno sagale qixxeessatto.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 23:5

Baarigaarra'ya albaanni, jila qixxeessattoe; umi'yara zayite buurittoe; anganniri boowe'yara wo'me gatanno.

FAARSO 30:11

Ati dadille'ya hagiirreho soorrootto; xidda'ya qasse hagiirre uddisiisoottoe.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 45:7

Ati halaale baxatto; bunshe giwatto; kunnira, wole mootoollanni rooratto gede, Maganu Maganikki hagiirru buuro buurinohe.

ROSIISAANCHO 9:8

Wo'manka woyite waajjo uddano uddi'ri; umikkino bulloonke.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 26:2

Halaale loosannohu ammanamino manni eona, katamu waalcho fanne.

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ERMIYAASI 31:13

Hatte yannara seenninsa hagiidhe kukkubbanno; labballi oosonsanna geerrinsa qeexaa'lanno. Wodana qoleemmonsa waro, wi'lansa hagiirreho, dadillensa hisanyooteho soorreemmo.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 47:7

Hakkiira iillanni hee'renni, guranna qiniite qole laummota lowo haqqe leeltue.

ZAKKAARIYAASI 3:5

Anino, «Xurinokkiha xaaxi'nanni koffiya umisi aana wora habbinoonte» yuummo. Insano Kaaliiqi sokkaasinchi hakkiicho uurre hee'reenna, Iyyaasura umoho xurinokkiha xaanxoonni koffiya worte, faayya qeesimmate uddanono uddisiissusi.

MAATEWOOSI 15:13

Isi kayinni, «Gordu Anni'ya kaasinokki kaashshi baalu buqqisamanno.

MAATEWOOSI 5:16

Mannu dancha looso'ne lae gordu Anna'ne galatanno gede, caabbichi'ne mannu albaanni xawo» yii.

LUQAASI 15:22

Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi.

YOHAANNISI 15:8

Batinye guma laaltiniro, kunninni Anni'ya ayirranno. Ki'neno ane rosaano ikkitinoonnita anfanni.

YOHAANNISI 16:20

Halaale kuleemmo'nena, ki'ne wi'litinanni; raartinanni; tini gobba kayinni hagiidhitanno. Ikkirono dadilli'ne hagiirreho soorramanno.

UMI QORONTOOSI 3:9

Ninke Maganu ledo loonseemmoreeti; ki'neno Maganu ho'richootinna Maganu mineeti.

UMI QORONTOOSI 6:20

Waagunni hidhinoonni'nereeti; kunnira mannimma'nenni Magano ayirrisse.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

LAYINKI TESELONQE 1:10

Qorichansa adhitannohu, mannu baaluwiinni ayirrinye adharanna ammantinosiri baalu guwissasira daanno yannaraati. Ki'neno ninke kulloommo'ne sokka adhitinoonni daafira insa ledo kiirantinanni.

IBIRAAWOOTA 1:9

Keeraanchimma baxootto; bunshe giwootto; kunnira, Maganu Maganikki, jaallakkinni roorse hagiirru buuro buurinohe» yaanno.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI PHEEXIROOSI 4:14

Kiristoosira yitineenna xonni'nero, ayirradu Maganu Ayyaani aana'ne fooliishshi'ranno daafira tashshi yoo'ne.