ISAYAASI 61:11 - Qullaawa Maxaafa

¹¹ Baatto jajja mu'rissannohu gedenna, gatu winxire laashshannohu gede, Mootichu Kaaliiqino mannu baalunku giddonni, keeraanchimmanna galatu burqanno gede assanno.

ISAYAASI 61:11 ပူးပေါင်းရင်းမြစ်များ

KALAQAMA 1:11

Hakkunni gedensaanni Maganu, «Baatto laalanno gidenna addi addi mu'ro, sirchi sirchinsa garinni laaltanno haqqe mu'risso» yii; yiino gedeno ikki.

FAARSO 72:16

Baatto gide laashshito; ilaallate aana jajju wo'mo; Libaanoosi ilaalla gede qiniitunnita ikkito; hayisso baatto guggushshitannohu gede, katammateno mannu wo'mo.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FAARSO 85:11

Mannu ammanama baattote aaninni iimira higge ka'anno; Maganu keeraanchimma gordoho heedhe la'anno.

FAARSO ROORE FAARSO 4:16

Ati aliyye bubbe kai! Ati wodiidi bubbeno kawa amo. Dagge haqqe'ya giddo bubbisi; diilallono, danchu fooli giddo wo'minota ikkito. Baxillaachi'ya haqqe giddora dayona; doorroonni laalono itona.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 45:23

Umi'yanni xaare soorrantannokkita halaalu hexxo eemmo; kunnira guluchu baalu anera guluphanno; arrawu baaluno ane su'minni xaaranno.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ISAYAASI 60:18

Kunni ka'a gobbakkira qarru raare dimacciishshinanni; dannikkirano baonna diigama diheedhanno. Ani huxxa ikke gargareemmohe; agareemmohe; atino gatisoommohe daafira galatattae.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 62:1

Keeraanchimmase soodo xawaabbi gede warri yita geeshshanna, gatoseno qansoonni caabbichi gede ikkite xabba geeshsha, Tsiyooni daafira sammi diyeemmo; Yerusaalamete daafirano digoxeemmo.

ISAYAASI 62:2

Daga keeraanchimmakki la'anno; mootoollano ayirrinyekki affanno. Ateno Kaaliiqi fushshinohehunni, haaru su'minni woshshinannihe.

MAATEWOOSI 13:23

Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 100, mittu 60, mittu 30 guma laalanno» yii.

MAATEWOOSI 13:3

Hakkunni gedensaanni masalsanni lowo coye kulanninsa, «Mittu manchi wixa wixi'rara fuli.

MAATEWOOSI 13:8

Wolu gumi dancha shaqqado baattora uwe mu'ri. Lophe dancha guma laali; mittu 100, mittu 60, mittu 30 laali.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.