ISAYAASI 61:10 - Qullaawa Maxaafa

¹⁰ Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:10 ပူးပေါင်းရင်းမြစ်များ

KALAQAMA 24:53

Qoleno birrunna culku irra imaanano fushshe Ribiqara uyise; rodiiseranna amaserano ayirrado uduunne uyinsa.

LAYINKI DUDUWO 6:41

Kaaliiqa Magano! Ka'e wolqakki malaate ikkinohu Taabootikki ledo fooliishshi'rattowa amo. Kaaliiqa Magano! Qeesootikki assitannori baalu qinoonsa; mannikkino shaqqillikkinni hagiidho.

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

IYYOOBI 29:14

Mannaho shaqqanna taalo coye assa, wo'manka woyite roso'yaati.

FAARSO 132:16

Qeesootasi assidhanno coyi baalunkunni maassi'reemmonsa; manni'yano ilillisanni faarsanno.

FAARSO 132:9

Qeesootikki wo'manka woyite halaalaancho coye assito! Mannikkino hagiirrunni ililliso!

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 35:9

Hatte yannara, anera Kaaliiqinni tashshi yaannoe; gatisasinnino hagiidheemmo.

FAARSO ROORE FAARSO 1:10

Kiccakki maccate butichinni biiffinote; goowikkino irrunni gaamaarinoho.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 25:1

Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ISAYAASI 49:4

Anino aneneera, «Beebba daafuroommo; kaa'lannori nookkirira haafa wolqa'ya guxxoommo. Ikkirono ane coyi Kaaliiqi anga no; daafuri'yara uyinannierino Magani'yawa no» yoommo.

ISAYAASI 51:11

Ati Kaaliiqi gatisoottonsari faarsitanni Yerusaalame higganno; hegere hagiirre haraqidhanno. Hagiirrenna hisanyoote afidhanno; yaaddonna dadillu insawiinni xooqanno.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 58:14

ane egenna'nenni hagiirraamma ikkitinanni; gobba baalantera ayirradda asseemmo'ne. Anni'ne Yaiqoobira oommo baattonni fulanno jajjinni, duubbinanni gede asseemmo'ne. Konne coye coyi'roommohu ani Kaaliiqaati» yii.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 65:18

Ani kalaqeemmori baalunni, hegere geeshsha tashshi yoo'nena hagiidhe! Ani kalaqeemmoti haaro Yerusaalame hagiirru wo'minota ikkitanno; manniseno hagiirraamo ikkanno.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

HIZIQEELI 42:14

Qullaawu Minira e'ino qeesooti, gobbaanni noo nafarchira fula hasidhanno yannara, Kaaliiqira soqqantara uddidhinoha qullaawa imaana fushshite hatte kifillara wortanno. Mannu gamba yaanno nafarchira fultara albaanni wole imaana uddi'ra hasiissannonsa» yii.

IMBAAQOOMI 3:18

tenne baalate giddoonni, anera Kaaliiqinni tashshi yaannoe; gatisaanchi'ya Maganunni hagiidheemmo.

ZAKKAARIYAASI 10:7

Israeelete manni jawaata olanto ikkanno; woyinete xajje aganni noo manni gede hisatanno. Oosonsano tenne qeelle qaagganni hagiidhitanno; Kaaliiqi assinore heddanna tashshi yaannonsa.

ZAKKAARIYAASI 3:5

Anino, «Xurinokkiha xaaxi'nanni koffiya umisi aana wora habbinoonte» yuummo. Insano Kaaliiqi sokkaasinchi hakkiicho uurre hee'reenna, Iyyaasura umoho xurinokkiha xaanxoonni koffiya worte, faayya qeesimmate uddanono uddisiissusi.

LUQAASI 15:22

Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi.

ROOMU SOKKA 13:14

Mooticha Yesuusi Kiristoosa uddidhe ikkinnina, maalu yorto wonshate heddinoonte.

ROOMU SOKKA 14:17

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino.

ROOMU SOKKA 3:22

Maganu Yesuusa Kiristoosa amma'nanno manna baala keereensanno. Mannu mereerono badooshshe diworanno.

ROOMU SOKKA 5:11

Konne calla ikkikkinni, Maganu ledo araarsinonkehu Mootichinke Yesuusi Kiristoosi widoonni hinge Maganunni hagiidhineemmo.

GALATIYU SOKKA 3:27

Kiristoosi ledo mitto ikkate cuuantinoonniri baalu, Kiristoosi uddidhinoonni.

FILIPHISIYUSI SOKKA 3:9

Hatto assoommohu, Seeru aana xintantinota umi'ya keeraanchimma agure, amma'nate aana xintantinota Maganu keeraanchimma Kiristoosi widoonni afi're isi ledo hee'rateeti.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.

YOHAANNIS AJUUJA 21:2

Qullaawu katami haaro Yerusaalame, adhannosehura seesse qixxaabbino seemo gede ikkite gordunni Maganuwiinni dirritanna afummo.

YOHAANNIS AJUUJA 21:9

Lamala sokkaasine giddonni mittu, goofimarchunniri lamalu qoomami wo'mitinota lamala gabate anga haa're anewa daye, «Amo! Ge'rechu minaama ikkitino idayicho leellisheemmohena» yiie.

YOHAANNIS AJUUJA 4:4

Ayirrado barcima 24 wole ayirradda barcimma doyissite no. Tenne barcimmara, waajjo uddano uddidhinorinna umoho culku ba'latto wodhitinori 24 geerri ofolte no.

UMI SAAMUEELI 2:1

Haanna huuccidhanni, «Kaa'lokkinni hagiirsiisoottoe daafira, wodani'ya ate Kaaliiqinni hagiidhi. Haxo'yano gotti yitu; baarigaarra'ya albaanni afii'ya fa'ni.