ISAYAASI 61:1 - Qullaawa Maxaafa

¹ Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 61:1 ပူးပေါင်းရင်းမြစ်များ

FAARSO 147:3

Wodana hiiqqantinore dhaawannonsa; madansarano gaga gananno.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 25:9

Umonsa heeshshi assitannore halaalu doogo aana ha'risannonsa; hedosino rosiisannonsa.

FAARSO 34:18

Kaaliiqi dadillunni hiiqqantinorira mule noonsa; hexxo hoogginore gatisannonsa.

FAARSO 45:7

Ati halaale baxatto; bunshe giwatto; kunnira, wole mootoollanni rooratto gede, Maganu Maganikki hagiirru buuro buurinohe.

FAARSO 51:17

Magano ati baxatto kakkalo heeshshi yiino wodanaati; heeshshi yiinohanna atewa higino wodana dimishatto.

FAARSO 68:7

Magano! Mannikkira albaanni fulitto waro, halallitte gobba giddoonni higge saitto waro,

FAARSO 69:32

Konne coye affanno woyite qarraataammu hagiidhitanno; Magano magansidhannori jawaattanno.

FULO 28:41

Hakkunni gedensaanni, rodiikki Aarooniranna oososira uddisiisi; qeesimmatenni soqqantannoe gede buurte, qineessite qullaawoota assi.

FULO 29:7

Buurranni zayite haadhe umisira dunte buuri.

ISAYAASI 29:19

Jooguullunna gadadaammu Israeelete Qullaawa ikkinohunni Kaaliiqinni hagiidhitanno.

ISAYAASI 30:19

Ki'ne Yerusaalamete manni, xaate kunni ka'a diwi'litinanni; Kaaliiqi shaqqado ikkino daafira kaa'lanno'ne gede huuccidhinanni yannara macciishshe dawaranno'ne.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 32:7

Garimalu manni busha looso loosanno; buxanete ku'lo haa'nannita ikkituro nafa, insa gudate gano gananno.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 48:16

Anewa shiqqine yeemmore macciishshe! Bi're hundinni kayise mittoreno gole dicoyi'roommo; kuni coyi ikkinkunni ani hakkiicho noommo» yii. Xaano kune ane Mootichu Kaaliiqi, Ayyaanisi ledo soyinoe.

ISAYAASI 49:9

Atino usuranyoota, ‹Amme fultine hadhe!› Tunsichoho noore, ‹Xawaabbunniwa amme!› yaatto. Doogga baalate sagale ittanno; mullichu gaari aana intanni sagale afidhanno.

ISAYAASI 52:7

Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

ISAYAASI 52:9

Kaaliiqi mannisi wodana diggi assanno; Yerusaalameno gatisannose. Kunnira Yerusaalamete diigamme, mitteenni hagiirrunni faarse.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 34:8

Sedeqiyaasi manna Borojjimmatenni fushshate Yerusaalamete manni ledo sumuu yiino.

ERMIYAASI 52:33

Yoakiini usuru mini imaana soorri're, reya geeshsha mootete ledo itanno gede assinoonnisi.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

LEEWAAWOOTA 7:35

Qeesimmatenni Kaaliiqira soqqantara shiqqanno barrinni kayise, Kaaliiqira shilqote kakkalora shiqinshoonnihu aaninni Aarooniranna sirchisira uyinannihu qeechu seeri aane nooho:

MIKIYAASI 3:8

Anera kayinni Kaaliiqi Ayyaanasinna wolqasi wonshinoe. Israeelete gosahu saonsanna cubbinsa mageeshshihoro egensiiseemmo gede halaalu yoo yaammora wolqanna jawaante uyinoe.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 3:16

Yesuusi cuuame kae wayi giddonni fulanni hee'reennanni, gordu fa'nameenna Maganu Ayyaani lembooli gede ikke dirre aanasi ofollanna afi.

LUQAASI 7:22

Yesuusi Yohaannisi sokkaanora, «Hadhine la'inoonnirenna macciishshitinoonnire baala Yohaannisira kullesi. Ballootu la'anno; naafootu uurrite hadhanno; dhiigaammu keeraabbanno; macciweelootu macciishshitanno; reyitinori ka'anno; buxanete Dancha Duduwo kullanni.

YOHAANNISI 1:41

Indiriyaasi alba ikke rodiisiwa Simiooni Pheexiroosiwa mare, «Kiristoosa anfummowe» yii.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

SOQQAMAASINETE LOOSO 4:27

«Halaaleho Heeroodisinna Phenxenichu Philaaxoosi dagatenna Israeelete manni ledo kunni katamira gamba yite, buuraminohu Qullaawu soqqamaanchi Yesuusi aana ka'ino.

LAYINKI QORONTOOSI 3:17

Mootichu Ayyaanaho. Mootichu Ayyaani noowa wolapho no.

LAYINKI QORONTOOSI 7:6

Dadillitinore jawaachishanno Magani kayinni, Tiito daa widoonni qole jawaachishinonke.

IBIRAAWOOTA 1:9

Keeraanchimma baxootto; bunshe giwootto; kunnira, Maganu Maganikki, jaallakkinni roorse hagiirru buuro buurinohe» yaanno.