ISAYAASI 6:6 - Qullaawa Maxaafa

⁶ Sokkaasinete giddonni mittu kakkalote darginni haa'rino kiffalcho qarawunni amade buuwanni anewa hige dayi.

ISAYAASI 6:6 ပူးပေါင်းရင်းမြစ်များ

FULO 25:38

Qarawanna baccicho filu culkinni seekki.

ISAYAASI 6:2

Suraafeeli yinanni sokkaasine isira aleenni higge uurrite no; mittu mittunku sokkaasinchira leyu leyu qooli noonsa. Lamu qoolinni albansa, lamu qoolinni lekkansa diphitanno. Lamu qoolinni buubbanno.

ERMIYAASI 1:9

Hakkunni gedensaanni Kaaliiqi angasi diriirse suume'ya kise, «Kuneeti coyi'ratto qaale oommohe.

HIZIQEELI 10:2

Maganuno waajjo shaalado uddano uddi'rino mancho, «Kalaqamu woroonni noo lami-qale mereeroonni higge sa'e ha'ri. Cilaattete kiffala cu'mite haadhe, katamu aana finci» yiisi. Anino la"anni hee'reennanni ha'ri.

LEEWAAWOOTA 16:12

ane albaanni noohu kakkalote darginni haa'noonni kashilo wonshinoonni baccicho anga amadona; 2 hoowo ikkannoha maniissinoonniha su'naanno hixaana haa're abbona; kore baala haa're dukkote giddoonni noohuwa Qullaawu Holgira eona.

KIIRO 16:46

Muse Aaroonira, «Ateha hixaanu baccicho abbite kashilono kakkalote darginni haadhe wori. Kune Kaaliiqi hanqi dayino daafira qoomamu manna gudanni noona rahi. Kashilu aanano hixaana worte rakke marte kunni manni cubbo agursiisi» yii.

MAATEWOOSI 3:11

Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho.

SOQQAMAASINETE LOOSO 2:3

Giirate buwani arrawo lawannori leellinsa; hakkiinni beehame mittu mittunku aana dirri.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 1:7

Sokkaasinesire coyi'ranni, «Sokkaasinesi bubbe, soqqamaanosi giirate buwano assanno» yaanno.

IBIRAAWOOTA 13:10

Ninkera, Qullaawu Dukkani giddo soqqantannori aanisinni adhite ittara fajjinanninsakkihu kakkalote dargi noonke.