ISAYAASI 6:2 - Qullaawa Maxaafa

² Suraafeeli yinanni sokkaasine isira aleenni higge uurrite no; mittu mittunku sokkaasinchira leyu leyu qooli noonsa. Lamu qoolinni albansa, lamu qoolinni lekkansa diphitanno. Lamu qoolinni buubbanno.

ISAYAASI 6:2 ပူးပေါင်းရင်းမြစ်များ

KALAQAMA 17:3

Abiraamino alba hige gombisame Maganoho kumbuuli. Maganuno,

UMI MOOTOOLLA 19:13

Eeliyaasi tenne huuro macciishshe uddanotenni alba guggu'le godu giddonni fule xullichoho uurre, «Eeliyaasi konniicho ma"assitanni nootto» yitanno huuro macciishshi.

UMI MOOTOOLLA 22:19

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.

UMI MOOTOOLLA 6:24

Lamunku kirubeeli mittu suudireeti. Mittu mittunkura lamu lamu qooli noonsa. Mittu mittunku qooli seendilli 5 cigilenna darate ikkanno. Mittu qoolinni kayise layinki qooli qacce geeshsha noo seendilli 10 cigile ikkanno.

UMI MOOTOOLLA 6:27

Kirubeelino Qullaawa Holge massine worranni gede assi. Diriirte nooti lamenti qoolla mimmito kissanna, wole widoonni nooti lame kayinni Minu xarra kissanno.

UMI MOOTOOLLA 8:7

Diriirtinoti kirubeeli qoolla Taabootanna iso dunkanni dawaayyicho guggushshite no.

NEHIMIYA 9:6

Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

IYYOOBI 1:6

Mitto barra, gordu sokkaasine Kaaliiqi albira shiqqu yannara, Sheexaanuno ledonsa shiqi.

IYYOOBI 15:15

Kuneeti, Maganu qullaawoota sokkaasinesi nafa diamma'nanno; isi albaanni gordu kalaqami nafa keeraancho di"ikkino.

IYYOOBI 4:18

Maganu soqqamaanosi diaddaxxanno; sokkaasinesi giddono so'ro dihooganno.

FAARSO 103:20

Coyi'rannore macciishshitinanniri, hajajosi wonshitinanniri, ki'ne wolqaataammu sokkaasine Kaaliiqa galattesi.

FAARSO 104:4

Bubbe sokkaanokkiiti; giirate buwanino soqqamaanokkiiti.

FAARSO 18:10

Kirubeeli aana ofolle ha'ri; bubbete qooli aana ofolle buuwi.

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

FULO 25:20

Tini misilla qoollansa ale qolte diriirsite, maarote barcima goltanno gede assi; albano mimmitu widira higgona; misillano alba maarote barcimi widira higgona.

FULO 3:6

Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.

FULO 37:9

Kirubeeli misilla qoolla ale qolte diriirsite maarote barcima guggushshite mimmitoho alba higge uurritino.

ISAYAASI 6:6

Sokkaasinete giddonni mittu kakkalote darginni haa'rino kiffalcho qarawunni amade buuwanni anewa hige dayi.

HIZIQEELI 1:11

Mittu mittunku kalaqamihu lamu qooli iima hige wanga yee, aane noo kalaqami qoolla qacce kisanno; gatinohu lamu qooli kayinni, erame bisonsa diwanno.

HIZIQEELI 1:24

Buubbanno yannara, qoollansa luulo macciishshoommo. Luuluno baaru dambali, lowo olantonna Wo'manka Dandaanno Maganihu gedeeho. Buuwa agurtanno woyite qoollansa gamba assidhanno.

HIZIQEELI 1:4

Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

HIZIQEELI 1:6

Mittu mittunkura shoolu shoolu albinna, shoolu shoolu qooli noonsa.

HIZIQEELI 1:9

Lamu lamu kalaqami qoolla mimmitunnita kissanni no. Mittu mittunku alba higge subbe hadhanni no; raga baala ha'ranno woyite mittu mittunku kalaqami alba wirri diyaanno.

HIZIQEELI 10:16

higiwano higiro, qallano ledonsa hadhanno. Qoollansa diriirsite buubbannowa baala ledonsa hadhanno.

HIZIQEELI 10:21

Mitti mittinsara 4 albinna 4 qooli noonsa; mittu mittunku qoolira woroonni mannunnita labbanno anga no.

DAANIEELI 7:10

Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

DAANIEELI 9:21

Tenne huuccatto aana hee'reenna, umi ajuujanni laummohu Gebirieeli hawarro kakkalo shiqinshanni yannara ani noommowa rahe buuwanni dayi.

ZAKKAARIYAASI 3:4

Sokkaasinchuno soqqamaanosi, «Tenne xurtino uddano fushshesi!» yee hajajinsa. Falaqqi yee Iyyaasuwa hige, «Kuneeti saokki atewiinni hooloommo; faayya qeesimmate uddanono uddisiiseemmohe» yiisi.

LUQAASI 1:10

Qullaawa Mine hixaana giirranni yannara mannu baalu gobbaanni uurre huucci'ranno.

IBIRAAWOOTA 1:7

Sokkaasinesire coyi'ranni, «Sokkaasinesi bubbe, soqqamaanosi giirate buwano assanno» yaanno.

YOHAANNIS AJUUJA 14:6

Hakkunni gedensaanni baattote aana noo gosara, ga'retenna addi addi afiinni coyi'ranno manni baalaho lallawate hegereti Danchu Duduwi sokka noosiha wole sokkaasincho gordu mereero buuwanna afummo.

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.

YOHAANNIS AJUUJA 7:11

Maganu sokkaasine baalanti ayirrado barcima, geerranna shoolenka kalaqama doyissite uurrite no; ayirradu barcimira albaanni guluphite umonsa heeshshi assite Magano magansidhanni,

YOHAANNIS AJUUJA 8:13

Hakkunni gedensaanni, mittu allamurchi iima buuwanna afummo. Qoonqosi naggi asse raaranni, «Gattinori sase sokkaasine xurumba ufuuffanno woyite, xurumbu giddonni fulanno luuli baattote aana noo manna aanne'e, aanne'e, aanne'e!» yaanna macciishshummo.