ISAYAASI 6:11 - Qullaawa Maxaafa

¹¹ Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ISAYAASI 6:11 ပူးပေါင်းရင်းမြစ်များ

FAARSO 74:10

Magano! Baarigaaru mamooti geeshsha qacifatannohe? Su'makki shollishino gedeennilla hee'ranno?

FAARSO 79:5

Kaaliiqa, Hegerera hanqoottonke gedeennilla hee'ratto? Laalakkino giirate gede bubbino gedeennilla heedhanno?

FAARSO 90:13

Hanqikki mamooti geeshsha keeshshanno? Kaaliiqa ballo, soqqamaanokkira alba higinke.

FAARSO 94:3

Kaaliiqa, bushuullu mamooti geeshsha, mamari geeshsha naaxxitanno?

ISAYAASI 1:7

Kuneeti gobba'ne ona ikkitino; katamma'neno giirante gooffino; loosidhinanni bayichono ille'ne la'anna allaggu wole gobba manni adhanno; baalanka coye gudde baatto'ne noori nookkita assitanno.

ISAYAASI 13:12

Baotenni gatino manni culkunninna filu culkinni roore afi'nannikkiha muxxe ikkanno.

ISAYAASI 3:26

Yerusaalamete Katama e'nanni waalchuwara raarenna wi'la macciishshinanni. Katamuno mulla heedhe manchitte ofoltino mancho gedeeha ikkanno.

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ISAYAASI 32:14

Mootete mini nafa ona ikkanno; dannawu katamino mulla darga ikkanno. Minnanna agarranni shae diigantanno; harre gongo'mitannowanna saada hossannowa ikkitanno.

ISAYAASI 35:1

Molo baatto hagiidhitanno; halalli baattorano daraaro fultanno.

ISAYAASI 5:9

Kune Olantote Mootichi Kaaliiqi, «Tini biiffinoti jajjabba minna baala diigante ona ikkitanno; galanno mannino dihee'ranno.

ISAYAASI 60:15

«Kunni albaanni gimbeennahenna minsheennahe, mulekkiinni hige sa"annohu nafa nookkiha hee'rootta. Xa kayinni ilama baala hegerera hexxitannohetanna, hagiidhitannoheta asseemmohe.

ISAYAASI 64:10

Qullaawa katammakki mulla darga ikkitino; Yerusaalameno ona ikkitino.

ERMIYAASI 22:6

Kaaliiqi Yihudu mini daafira coyi'ranni, «Yihudunnihu mootete mini, Geleaadi woy Libaanoosi birxe gedee ayirradooti. Ani tuge agureemmosi woyite kayinni, mullicho ona katama ikkanno.

ERMIYAASI 4:7

Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

ERMIYAASI 44:2

Ani Israeelete Magani Olantote Mootichi Kaaliiqi: «Yerusaalametenna Yihudu katamma baalate abboommo bao ki'ne umi'ne affinoonni; kune xaa geeshsha mannu hee'rannokkiha diigantinowa no.

ERMIYAASI 52:27

Mooteno hakkiicho gansiise shettotenni reyitanno gede assi. Yihudu manni gobbansanni kunni garinni qafadame ha'rino.

HIZIQEELI 6:6

Israeelete katamma baalanti co'o yite ba'anno; kakkalonsa darguwanna kaphu kakkalonsa baala hiiqqante butu yitanno. Hixaana giirranni uduunnino cancanamanno; seekkidhinori baalu co'o yee ba"anno.

DAANIEELI 8:13

Hakkunni gedensaanni mittu qullaawu sokkaasinchi wole sokkaasincho, «Kuni ajuujatenni leellanno coyi wo'mannohu mamooteeti? Bao abbitanno bunshenna wo'ma woyite kakkallanni darga amade keeshshannohu mageeshshi geeshshaati? Qullaawu Mininna gordu olanto kakkadantanni keeshshitanno gede Maganu wore la"annohu mamooti geeshshaati?» yee xa'manna afoommo.

LEEWAAWOOTA 26:31

Katamma'ne diigeemmo; magansidhinanni darguwa ona asseemmo; su'niitannota kakkalo'neno diadheemmo.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

MIKIYAASI 2:4

Kuni duuchu ikkanno yannara mannu ki'nere maammaahanni qacifatanno'ne. Ki'ne aana iillino qarrira, « ‹Ninke wo'munku horontanni ba'noommo. Maganu baattonke adhe, hajajantannokkirira beehino› yitanni wi'lishshitanno» yaanno.

MIKIYAASI 5:11

Gobba'nera noo katamma huneemmo. Qiisho'ne wo'manta diigeemmo.

MIKIYAASI 6:13

Kunnira, cubbi'nenni kainohunni ki'ne hunammoranna diigammora kaoommo.

MIKIYAASI 7:13

Baatto kayinni aanase hee'ranno manni bunshenni kainohunni molo ikkite gattanno.

MARRO 28:62

Magani'ne Kaaliiqira hajajama gibbinoonnihura, gordu beeddahe gede batidhine heedhinoonniri shiimu manni callu gattinanni.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.