ISAYAASI 59:3 - Qullaawa Maxaafa

³ Anga'nenna qubbe'ne mundee callate; afii'nenna arrawi'ne kaphonna cubbo coyi'ranno.

ISAYAASI 59:3 ပူးပေါင်းရင်းမြစ်များ

LAWISHSHA 6:17

Boonaleette illeeti, kaphaancho arrawooti, keeraancho manna shitanno angaati,

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 1:21

Ammanamino katami hiitto foora mancho gedeeha ikki! Albaanni halaalu wo'minohonna keeraano heedhannowaati; xa kayinni manna shitannori giddo wo'mitinoha ikkino.

ISAYAASI 28:15

«Reyote ledo namoommoommo; jeennaatu ledo sumuu yinoommo; doga minenkeeti; kaphuno golonkeeti. Qoomamu daanno woyiteno dikisannonke» yitine boo'nitinoonni.

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ISAYAASI 30:9

Insa wo'manka woyite kaphitanni Kaaliiqira badhe wodhite hexxinannikkire ikkitino.

ISAYAASI 44:20

Hattoo manchi buluulo itanno; gowwimmasi so'risiissinosi daafira, kaa'linannisiwiinni saino; angasi noo misile magano ikkitinokkita afa didandiino.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ISAYAASI 6:5

Anino, «Suume battaabbinoehu suume battaawino manni ledo hee're Moote Olantote Mooticha Kaaliiqa ille'yanni afoommona baoommo! Ane hunsha!» yoommo.

ISAYAASI 9:15

Umoho yinanniri geerrahonna roorrootansaati; farroho yinannirino kapho rosiissanno himanaanooti.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 2:34

Imaani'ne mulqi'nanna fultino'ne mundeenni ikkikkinni, keeraanotenna buxanete mundeenni baino.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

ERMIYAASI 7:8

« ‹Kune ki'ne ikkannokkiha kaphu qaale ammantinoonni.

ERMIYAASI 9:2

Manni'ya kaajjadonna ammana nookkiha ikkinohura, insawiinni fafe halallitte baatto ha're hee'rate, gallanni darga afi'roommoro tashshi yaannoe.

ERMIYAASI 9:7

Kunni daafira, Olantote Mootichi Kaaliiqi, «Siwiila tume daashshannohu gede, ani manna'ya hatto asse fonqoleemmo; manni'ya busha coye assino daafira, hakkiinni sae wolere asseemmori dino.

HIZIQEELI 13:8

Kunnira, Mootichu Kaaliiqi, «Himani'ne kaphoho; ajuuja'neno dharaho. Kunnira, ki'ne aana hanqunni kaeemmo.

HIZIQEELI 22:2

«Koo manchi beetto, manna shitannori wo'mitino katamira, yoo yaattora qixxaawootto? Hakkawoyiteetiro, assinoha tiyyi'nanni coye baala xawisse kulisi.

HIZIQEELI 35:6

Kunnira, ani Mootichu Kaaliiqi heeshshote Magano ikka'yanni xaareemmona, ate reyote sayise eemmo. Horonta digatatto; manna shaate sao noohe daafira, ateno reyo hassannohe.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

HOOSEI 4:2

Xaarte e'ino gondooro diigge kaphitanno; shitanno, moortanno, foortanno; manna shaano batidhino.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

HOOSEI 7:3

Kaaliiqi, «Mannu, mootoolla awaawuratenni, roorrootano dogatenni hagiirsiisanno.

MIKIYAASI 3:4

Ki'neno qarrantine Kaaliiqiwa higgine raartinanni yanna dagganno. Isi kayinni didawaranno'ne. Busha looso loossinoonni daafira huuccatto'ne dimacciishshanno.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

MIKIYAASI 7:2

Magano baxannohu danchu manchi baattote aana horontanni dino. Mannu mereero taashshannohu dino. Wo'munku mannu mundee dunate duganno; mittu mittunku umisi fiixa woshshaadara faana gananno.

MAATEWOOSI 27:4

«Keeraancho mancho reyote sayise aa'yara sao assoommo» yii. Insa kayinni, «Ninke mayi xiwinke! Umikki hajaati!» yitusi.

UMI XIMOOTEWOOSI 4:2

Hattoo rosi, siwiilunni giirroonni bisi gede dillaabbino awaawuraasinewiinni fulanno.