ISAYAASI 59:2 - Qullaawa Maxaafa

² Ikkollana sao'ne ki'nenna Maganu mereero golo ikkitino; huuccatto'ne macciishshannokki gede, cubbi'ne albasi ki'newiinni shawwu assino.

ISAYAASI 59:2 ပူးပေါင်းရင်းမြစ်များ

LAWISHSHA 15:29

Kaaliiqi bushuulluwiinni fafe no; keeraanote huuccatto kayinni macciishshanno.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ISAYAASI 57:17

Cubbinsanninna hagaagansanni kainohunni hanqoommonsa; hanqe alba'ya insawiinni shawwu assoommo; insa kayinni hadhanni noo doogo aaninni higa gibbino.

ISAYAASI 58:4

Ita aga agura'nera gawalo, gibbonna ganansho ikkitino daafira, mimmito'ne marartinikkinni tuntummotenni gantinanni. Kunni garinni qatuntinanni qatuma, huuccatto'ne gordoho macciishshinannikki gede assitanno.

ERMIYAASI 5:25

Tini loossinoonni bunshe atoote ho'litino'ne; danchu coyi baalu ikkanno'nekki gede assitino'ne.

ERMIYAASI QURTO 1:8

Kuneeti ayiirinyise baalu sae ha'rino; mulla ikkiteenna baalunku qacifatinose; saalisenni kainohunni gurura'anni alba diphitanno; Yerusaalame tiyyi'nanni cubbinni umose boshshitino.

HIZIQEELI 39:29

Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.

MIKIYAASI 3:4

Ki'neno qarrantine Kaaliiqiwa higgine raartinanni yanna dagganno. Isi kayinni didawaranno'ne. Busha looso loossinoonni daafira huuccatto'ne dimacciishshanno.

IYYAASU 7:11

Israeele saowe assitino! Agadhitanno gede ane ledo e'ino gondooro diiggino. Huna hasiissannonsari giddonni gamare adhitino; moortuhu gedensaanni, mittoricho adhitinokkihu gede kaphite uminsa jajji ledo karsidhino.

UMI SAAMUEELI 4:3

Olanto qaera higgu yannara Israeelete sooreeyye, «Techo Kaaliiqi Filisxeeme qeeltannonke gede mayira assi? Kaaliiqi ledonke fule diinu anganni gatisannonke gede, ha'ne isiha Gondooru Taaboota Seelonni abbino» yitu.