ISAYAASI 57:2 - Qullaawa Maxaafa

² Halaalaancho heeshsho heedhinori, reyitanno waro, keerenna fooliishsho afidhanno.

ISAYAASI 57:2 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

LAYINKI DUDUWO 16:14

Daawiti Katamira umisira kincho kurkure seekki'rino waammara madaarroonnisi. Reeshshasino su'niitanno shiilonninna shittotenni cuukkite, ayirrinyisira yite lowo haqqe duunte giirtanni wi'litinosi.

IYYOOBI 3:17

Waammate giddo bushuullu bunshe diassitanno; daafurtinori hakkiicho fooliishshidhanno.

FAARSO 37:37

Danchanna keeraancho mancho seekkite lai; gibbonna giwansho baxannokki manchi, sircho sa"anno.

ROSIISAANCHO 12:7

Maalu bushsha ikkinohura, galagale bushsha higanno; lubbo kalaqinose Maganiwa hadhanno.

ISAYAASI 14:18

Mootoolla baala ayirrado darga madaarantanno.

ISAYAASI 26:7

Keeraanote doogo suwashshote; ati suwashshu Magani doogonsa taashshatto.

ERMIYAASI 6:16

Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,

HIZIQEELI 32:25

Elaami olunni shinoonni manni ledo goxxe no; olantose, moogga baala gaangeessite no. Insa shinoonnihuno olunniiti; baalunku Maganiweelootaho. Lubbotenni noo waro, mogga naqqinoreeti. Xa kayinni, saalansa duqqitino gedeenni, olunni shinoonniri ledo xaaddino.

DAANIEELI 12:13

«Ati Daanieeli, goofimarchu geeshsha ammanamatenni hee'ri. Hakkunni gedensaanni fooliishshi'ratto; goofimarchu barrano ka'e qeechakki adhatto» yiinoe.

MAATEWOOSI 25:21

Mootichisino, ‹Dancha assootto! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 16:22

«Hakkunni gedensaanni buxichu reenna sokkaasine haadhe massite Abirihaami mule wortusi. Dureessano reenna madaarri.

LUQAASI 2:29

«Mooticha'ya, kuneeti oottoe hexxo wonshoottona, xaate ane borojjichokki keerunni geegiissie.

LUQAASI 7:50

Yesuusi kayinni manchote, «Ammanakki gatissinohena keerunni ha'ri» yiise.

LAYINKI QORONTOOSI 5:1

Hee'neemmohu baattote aani dukkani diigamiro, gordoho mannu mininoha ikkikkinni Maganu mininonkehu hegere mini noonketa egenninoommo.

LAYINKI QORONTOOSI 5:8

Maalinkewiinni baxxine Mootichinke ledo hee'ra halchineemmo; kunnira hawaqi'ne hee'neemmo.

FILIPHISIYUSI SOKKA 1:23

Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe.

YOHAANNIS AJUUJA 14:13

Gordunni, «Kune borreessi: Kunni ka'a Mootichunnire ikkite heedhe reyitannori baraadhinoreeti» yitanno huuro macciishshummo. Ayyaanu qole, «Ee! Daafuro fooliishshidhanno gede loosinsa hoode ha'rannonsa» yii.