ISAYAASI 57:17 - Qullaawa Maxaafa

¹⁷ Cubbinsanninna hagaagansanni kainohunni hanqoommonsa; hanqe alba'ya insawiinni shawwu assoommo; insa kayinni hadhanni noo doogo aaninni higa gibbino.

ISAYAASI 57:17 ပူးပေါင်းရင်းမြစ်များ

ROSIISAANCHO 6:9

Kunnira, lexxate haafamantenni, noohunni hagiidha woyyate. Kunino haafaho; diilallo cu'mate gedeeti.

ISAYAASI 1:4

Ki'ne cubbaataame gosara, sao batidhino'ne dagara, bunshe loossinanni ilamara, ragimale heeshsho heedhinannirira aanne'e! Ki'ne ane Kaaliiqa Israeelete Qullaawa gibbine, badhe wodhitinoonnie.

ISAYAASI 2:7

Baattonsara birrunna culku wo'mino daafira jiro jirote aana kadhitino; gobbansara faradu wo'mino; faradi gaarensarano kiiro dino.

ISAYAASI 42:24

Yaiqoobi sircho Israeele, mulqi'rannohuranna saamannohura sayise uyinohu ayeti? Isi aana sao assinoommo daafira, yiino doogo ha'ra gimboommohuranna, seerasino wonshinoommokki daafira, konne coye assinohu Kaaliiqaati.

ISAYAASI 45:15

Gatisaancho Israeelete Magano! Ati atenee mannaho maaxootto.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ISAYAASI 64:9

Kaaliiqa! Lowo geeshsha hanqitootinke; cubbonke hegere geeshsha giddo amaddooti; ninke baalunku mannakkiitina mararinke.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ISAYAASI 9:13

Qorichisheennansano Israeelete manni diaagintaawino; Olantote Mooticha Kaaliiqano dihasi'rino.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 51:13

Ati jajjabbu wayi mule hee'rattohu, dureessu Baabilooni! Goofimarchikki dayino; qocci yite ta"atto yanna daggino.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

ERMIYAASI 8:10

Galte'nenna gate'ne wole gobba mannira eemmo; buxichuno dureessuno, hanaaqunninna maqqaallotenni duroo'manno; himanaano'nenna qeesooti'ne nafa manna dogganno.

ERMIYAASI 8:6

«Ki'ne coyidhinannire seekke macciishshoommo; coyidhinoonniri kayinni halaale di"ikkino; ki'ne giddonni bushu loosisi daafira, gaabbinohu mittunku dino. ‹Ma sao assummo ikka› yiinonku dino; Ki'ne mitti mitti'ne olaho harfiixanno farashshi gede, umi umi'ne doogo doddinanni.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

LUQAASI 12:15

Qoleno wo'munkura, «Mannu heeshsho woxu batinyinni anfannita di"ikkitinona, hafuuraamma ikkitinoonte! Umo'ne agadhe!» yiinsa.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

UMI XIMOOTEWOOSI 6:9

Dureeyye ikka hasidhannori kayinni jifante ubbanno. Manna doonsitannotenninna huntannotenni haafunna hamaamukkitte yortonni woshshaadantanno.

LAYINKI PHEEXIROOSI 2:14

Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.