ISAYAASI 57:13 - Qullaawa Maxaafa

¹³ Kaa'lote raartinanniti maganna'ne hanni dagge kaa'litossi'neyya; insa diilallo haadhe sa'annoreeti. Foolu callunni ubbannoreeti; ane hexxannohu kayinni baatto ragi'ranno; Qullaawu Ilaali'ya aanano magansi'rannoe» yii.

ISAYAASI 57:13 ပူးပေါင်းရင်းမြစ်များ

LAYINKI MOOTOOLLA 3:13

Elsaino Israeelete mootera Iyoraamira, «Anewa mayira daatto? Hadhe annikkinna amakki himanaano xa'mi'ri!» yiisi. Moote Iyoraamino daware, «Dihattootiwe! Ninke sasenka mootoolla Moaabi angara sayise aara haa're abbinohu Kaaliiqaati» yii.

IYYOOBI 21:18

Bubbe galawu gede, hombobolatte kuru gede, haadhe hunte egentinonsani?

FAARSO 1:4

Bushuullu kayinni hattoore di"ikkitino; bubbe kayisse huntanno kuri gedeereeti.

FAARSO 118:8

Manna irki'ratenni, Kaaliiqa hexxa woyyate.

FAARSO 125:1

Kaaliiqa addaxxanno manni, darginni milli yiikkinninna shafamikkinni hee'ranno ilaali Tsiyoonihu gedeeho.

FAARSO 37:11

Shaqqaddu kayinni baatto ragidhanno; atootenna keere afidhe hagiidhitanno.

FAARSO 37:22

Kaaliiqi maassi'rinonsari baatto ragidhanno; ruminonsari kayinni murantanno.

FAARSO 37:29

Keeraano baatto ragidhanno; ise aanano hegerera heedhanno.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

FAARSO 37:34

Kaaliiqa hexxittoro, hajajosino wonshittoro, baatto ragisiiseennahe ayirratto; bushuulluno ba'anna illekkinni la"atto.

FAARSO 37:9

Bunshe assitannori murantanno; Kaaliiqa hexxitannori kayinni baatto ragidhanno.

FAARSO 58:9

Affukkinni utu gede muranto; Maganu jawaatu hanqisinni lubbotenni heedheennanni billaallisonsa.

FAARSO 84:12

Olantote Kaaliiqa! Ate hexxitannori baraadhinoreeti.

LAWISHSHA 28:25

Hafuuraamu manchi gibbo kalaqanno; Kaaliiqa addaxxannohu kayinni duuwanno.

ISAYAASI 11:9

Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 14:32

Filisxeemetenni daanno mannira ma dawarreemmo? Kaaliiqi Tsiyooni galagalche xintinotanna qarru giddo hee'ranno manni fooliishshi'rannowa afi're keere hee'ranno gede assinota kulleemmonsa.

ISAYAASI 25:4

Diinu foorari dambalu gede, kinchu huxxa xiiwanno daafira, buxanetenna qarraataammaho irkidhannowa, hombobolatte dagganno yannara golo, arrishshote fooggalira caale ikkoottonsa.

ISAYAASI 40:24

Insa xaalla mu're, rumushshono assi'rinokki haqqi gedeereeti. Kaaliiqi bubbe dagganno woyite, hakkawoyintenni mooshshitannonsa; galawu gedeno fiite huntannonsa.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 45:20

«Addi addi gobbara billaallitinoonniwiinni higginoonniri baalu, gamba yitine amme! Haqqu maganna duqqite doyitannorinna, gatissannokki misilla huuccidhannori egenno diafidhinoreeti.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 65:11

Ane Kaaliiqanna Qullaawa Ilaala'ya agurtine, ‹Dancha Kaayyooti› yinanni maganira sagale qishshinanni; ‹Kaayyote› yinanni maganira karsiinsoonnita woyinete xajje shiqishshinanni.

ISAYAASI 65:25

Hiyyeeyyenna ge'reewu wilii'li mitteenni hosanno; doobbiichuno handu gede galawa itanno. Hamashshu bukolla laaxanno; insa Qullaawu Ilaali'yara Tsiyooni, digawajjitanno; mittoreno dihuntanno» yii.

ISAYAASI 65:9

Yaiqoobira ooso eemmosi; Yihudu ga'reno ilaalla ragidhanno gede asseemmo. Soqqamannoehu doodhoommo manni, hakkiicho hee'ranno.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

ERMIYAASI 22:20

Olu miilla'ne baala qeelantinona, Libaanoosi Ilaalla gidditine raarre. Baasaani gobba hadhine «Woo!» yiiyye; Moaabi Ilaalla gidditine raarre.

ERMIYAASI 22:22

Loossinoonni cubbi daafira, gashshaano'ne bubbe fiite haadhe hadhanno kuri gede ikkitanno. Olu miilla'neno qafadante manni gobba hadhanno; saalunna shollinyu amadannonsa.

ERMIYAASI 30:14

Jaalla'ne baala habbino'ne; ki'ne daafira haja dinonsa. Sao'ne batidhino daafiranna, cubbi'ne haammatino daafira, diinu gede asse gawajjoommo'ne; allaggichu gede asse qorichishoommo'ne.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HOOSEI 13:3

Kunninni kainohunni insa guto guunjo gede ikkite ba'anno; soodo loji gede ikkite giggiltanno. Ayiddummete aaninni hombobolatte fiite kayissanno kuri gede woy minu giddoonni higge fulte gooffanno wiliile gede ikkitanno.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.

EJJEETTO 10:14

Martine doodhitinoonni magannara woxaratte. Qarru iillanno'ne yannara hanni gatissanna'ne afeemmona!» yiinsa.