ISAYAASI 57:10 - Qullaawa Maxaafa

¹⁰ Wole maganna hoode doddinanni daafurtinoonni; ikkollana, ‹Dikaa'litinonke› yitine diagurtinoonni. Wolqa leddanno'neha laweenna'ne, cee'mitinikkinni hoodensa doddinanni.

ISAYAASI 57:10 ပူးပေါင်းရင်းမြစ်များ

ISAYAASI 47:13

Ma'lootta mali baalu daafursannoheta ikkinnina, mittoreno diledannohe; hanni aganu aganunkunni ayyaana la'annore abbidheenna, albillittete daara noo qarrano kulte gatissossiheyya!

ERMIYAASI 18:12

Insa kayinni, ‹Beebba daafurtooti! Ninke hendoommore diagurreemmo; ronsoommo gede haxawarrimmankenna bunshenke garinni hee'neemmo› yitanno» yii.

ERMIYAASI 2:25

Israeele, wole maganna ledo foorate, lekka'ne dhodhookka geeshsha doddinoonte; kokke'ne moolta geeshsha goodhinoonte yoommo. Ki'ne kayinni, ‹Dee'ni! Ninke kaphu maganna banxoommohuranna, insa hoode ha'rate murci'noommo daafira dihingeemmo› yitinoonni» yii.

ERMIYAASI 2:36

Wole gobba manni maganna hoode hadhine umo'ne shollishshinoonni. Kunni albaanni Asoori manni shollishi'nente gede, xa qole Gibitsete manni shollishanno'ne.

ERMIYAASI 3:3

Kunnira, badheessinna hawadi xeeni dirrannokki gede hooloommo. Ati kayinni foortanno mancho gede saaliweelo ikkootta.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 9:5

Mannu baalu jaalasi doge balalsanno; halaale coyi'rannohu dino; arrawinsa kapho coyi'ra rosino; cubbo loosatenni mannimmansa daafursitanno.

HIZIQEELI 24:12

Hatto assineennano, giirate buwani xilla aaninni dihunanno.

IMBAAQOOMI 2:13

Wo'manka Dandaanno Magani mannu loosi'rinore giiramanno gede, gosa daafurtanno daafurono mullare asse aguranno.

ROOMU SOKKA 7:9

Alba ani Seera afummokkinni heeshsho afi're hee'roommo. Seeru hajajo afummo yannara kayinni cubbu wolqa afi'rino; anino reyommo.