ISAYAASI 55:3 - Qullaawa Maxaafa

³ «Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 55:3 ပူးပေါင်းရင်းမြစ်များ

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

LAYINKI SAAMUEELI 7:29

Kaaliiqa Mooticha'ya, gaacheena afidhanno gede maate'ya maassi'rattora huucci'reemmohe. Hexxono oottoena, maassokki maate'yara hegere geeshsha ikkitanno» yii.

LAYINKI DUDUWO 6:42

Kaaliiqa Magano! Buurootto moote agurtootisi; soqqamaanchokki Daawiti baxootto baxille qaagi» yii.

FAARSO 119:112

Reyammo geeshsha wogakki, agadhate murci'roommo.

FAARSO 119:175

Ate galatanni hee'reemmo gede diro'ya seedisie; yookkino kaa'litoe.

FAARSO 78:1

Manna'ya, rosiiseemmo'nere macciishshe; macca'neno qaali'ya widira qolle.

FAARSO 89:28

Isira nooeha bagamannokkiha baxille'ya hegerera qaageemmo; isi ledo eoommoha gondooro'ya soorramannokki gede asseemmo;

FAARSO 89:29

Sirchisi hegere hegerera moohanno; gashshootisi gordu noo yanna geeshsha hee'ranno.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

LAWISHSHA 4:20

«Beetto'ya ballo, kuleemmohere wodanchite macciishshi; coyi'reemmoreno huwati.

LAWISHSHA 7:2

Lubbotenni hee'ratto gede hajajo'ya baala agadhi; rosiiseemmohereno illekki diikkichi gede assite towaxxi.

ISAYAASI 51:4

«Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 54:10

Ilaallanna gaarra nafa shafantara dandiitanno; ani ate baxoommo baxilli kayinni hegerera kaajje hee'ranno. Keeru gondoorino didiigamanno; ate marareemmohu ani Kaaliiqi togo yoommo» yii.

ISAYAASI 54:8

Lowo geeshsha hanqoommo daafira shiima yanna alba shawwu yoommohe; xa kayinni gatisaanchikki ani Kaaliiqi, marare hegere geeshsha baxeemmohe yoommo.

ISAYAASI 61:8

Kaaliiqi, «Ani halaale baxeemmo; mulqi'ranna sao giweemmo. Ammanama'yanni manni'yara malino ba'raa'ra eemmo; insa ledono hegere gondooro e"eemmo.

ERMIYAASI 30:9

Hatto ikka gatteenna ane Magani'ne Kaaliiqiranna, ani moohiseemmohura Daawiti sircho ikkinohura soqqantinanni.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

ERMIYAASI 33:26

Hattonni Yaiqoobi sirchinna soqqamaanchi'ya Daawiti ledo eoommo gondooro wonsheemmo. Abirihaami, Yisihaaqinna Yaiqoobi sirchi aana moohannoha Daawiti sirchinni dooreemmo. Manna'ya galagalche marare qawaaxxi're hee'ranno gede asseemmo» yii.

ERMIYAASI 38:20

Anino, «Sayisse diuyitannohena, kuleemmoheha Kaaliiqi yiino coye calla macciishshi; hakkunni gedensaanni qinaannohe; lubbokkino gattanno.

ERMIYAASI 50:5

Tsiyooni massitanno doogo xa'mitanni, hattenne doogo amadde hadhanno; ‹Layinkita didiingeemmo› yitanni, ane ledo hegere gondooro e'anno.

HIZIQEELI 16:60

Ikkollana, anjekki yannara ate ledo eoommo gondooro qaageemmo; hegere gondooro ate ledo e"eemmo.

HIZIQEELI 34:24

Ani Kaaliiqi Maganonsa ikkeemmo; soqqamaancho Daawiti lawanno moote gashshaanchonsa asseemmo. Ani Kaaliiqi togo yoommo.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 37:26

Keere heedhanno gede hegere gondooro e"eemmonsa; insano galagalche baattonsara xinte kiironsa batiseemmo. Qullaawu Mini'ya mereeronsa hegerera hee'ranno gede asseemmo.

LEEWAAWOOTA 18:5

Woga'yanna seera'ya agadhe; konne assitiniro, lubbotenni heedhinanni. Ani Kaaliiqi Magano'neeti.

AMOOTSI 5:4

Kaaliiqi, «Israeelete manna, lubbotenni heedhinannina, ki'ne ane hasidhe.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

MAATEWOOSI 11:28

«Ki'ne daafurtinoonniri, duhu ayirrino'neri baalu anewa amme! Ani fooliishshiisheemmo'ne.

MAATEWOOSI 13:16

Ille'ne la'annohuranna macca'ne affanno daafira ki'ne ba'raadhinoonnireeti.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

YOHAANNISI 8:47

Maganunnihu Maganu yaannore macciishshanno. Ki'ne Maganu qaale macciishshitinannikkihu Maganunnire ikka hoogginoonnihuraati» yiinsa.

SOQQAMAASINETE LOOSO 13:34

Maalisi hoqannokki gede, Maganu reyotenni kayisinosita xawisate, ‹Daawitira oommo hexxo, qullaawanna halaalaancho maasso eemmo'ne› yee coyi'rino.

ROOMU SOKKA 10:5

Seera agadhatenni afi'nanni keeraanchimma daafira Muse borreessinohu, «Seera agadhannohu lubbotenni hee'ranno» yaanno.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.