ISAYAASI 54:8 - Qullaawa Maxaafa

⁸ Lowo geeshsha hanqoommo daafira shiima yanna alba shawwu yoommohe; xa kayinni gatisaanchikki ani Kaaliiqi, marare hegere geeshsha baxeemmohe yoommo.

ISAYAASI 54:8 ပူးပေါင်းရင်းမြစ်များ

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 103:4

Jeennaate dirreemmokki gede agarannoe; bagamannokkihu baxillisinninna maarosinni maassi'rannoe.

FAARSO 13:1

Kaaliiqa ballo, mamooti geeshsha hawattoe? Mamooti geeshshano alba maaxi'rattoe?

FAARSO 27:9

Albakki shawwu assitootie; ati kaa'laancho'yaatina, ane soqqamaanchokki hanqite tugge agurtootie. Magano gatisaancho'ya ballo, wo'manka woyite agurtootie; callachishshootie.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 26:20

Manna'ya, mini'nera e'ine cufana cufidhe; hanqu sa"a geeshsha shiima yanna maaxamme.

ISAYAASI 40:27

Yaiqoobi sircho! Israeelete gosa! «Kaaliiqi qarra'ya diafino; halaaleno difushshinonke» yitine mayira gunguntinanni?

ISAYAASI 45:15

Gatisaancho Israeelete Magano! Ati atenee mannaho maaxootto.

ISAYAASI 47:6

Ani manni'yara hanqoommo; insa battete gede kiire, angakkira sayise oommo. Ati kayinni dimararoottansa; geerraho nafa ayirrino duha duhisiisootta.

ISAYAASI 48:17

Gatisanno'nehu Israeelete Qullaawi Kaaliiqi, «Woyyanno'nere baala rosiiseemmo'nehunna, hadhinanni doogo kuleemmo'nehu Magani'ne Kaaliiqi aneeti.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 54:10

Ilaallanna gaarra nafa shafantara dandiitanno; ani ate baxoommo baxilli kayinni hegerera kaajje hee'ranno. Keeru gondoorino didiigamanno; ate marareemmohu ani Kaaliiqi togo yoommo» yii.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 60:10

«Ani hanqe qorichishoommohe; xa kayinni marareemmohe. Allaggikki huxxakki huxxitanno; mootoollansa soqqantannohe.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ISAYAASI 64:7

Cubbinkenni kainohunni alba go'loottonkehuranna, facci assite aguroottonke daafira, su'makki ganannohunna, ate hasi'rannohu dino.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ERMIYAASI 31:3

ani Kaaliiqi insara fafe hee're leelloommonsa. «Bagamannokki baxillinni baxoommo'ne; hakko baxillinni anewa gamba assoommo'ne.

ERMIYAASI 33:26

Hattonni Yaiqoobi sirchinna soqqamaanchi'ya Daawiti ledo eoommo gondooro wonsheemmo. Abirihaami, Yisihaaqinna Yaiqoobi sirchi aana moohannoha Daawiti sirchinni dooreemmo. Manna'ya galagalche marare qawaaxxi're hee'ranno gede asseemmo» yii.

ERMIYAASI 51:5

Ani Olantote Mootichi Kaaliiqi, Israeelete qullaawi aana saonsa batidhuro nafa, Israeelenna Yihuda diaguroommo.

HIZIQEELI 39:29

Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.

IMBAAQOOMI 3:2

Kaaliiqa! Assoottoha dhaggete coye baala macciishshe lowo geeshsha waajjoommo; xaano yannankera alba loositto gedee looso ledde loosi; yanna yannantenni egennamanno gede assi; hanqatto yannarano marara agurtooti.

ZAKKAARIYAASI 1:15

Boonaleeyyete wole gobba dagara, lowo geeshsha hanqoommo; kaimuno, ani manna'ya shiima geeshsha calla qorichishate hede hee'reenna, insa kayinni quwa sayisse gawajjitinonsahuraati.

ZAKKAARIYAASI 1:16

Kunnira, Yerusaalamete Katama maarammora galagale dayemmo; Qullaawu Mini'yanna katamu gatamaramanno› yiino yite lallawi» yiie.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

UMI XIMOOTEWOOSI 1:16

Ikkollana sao'ya agurroonnie; sao'ya agurroonniehuno, Yesuusi Kiristoosi dannu nookki garinni baalunkunni roore cubbaataamo ikkoommohure anere cince, iso ammante hegere heeshsho afidhannorira lawishsha ikkeemmo gedeeti.