ISAYAASI 54:7 - Qullaawa Maxaafa

⁷ «Shiima yanna callichokki aguroommohe; ikkirono lowo baxillinni galagalche anewa qoleemmohe.

ISAYAASI 54:7 ပူးပေါင်းရင်းမြစ်များ

FAARSO 106:47

Kaaliiqa Maganonke ballo, gatisinke! Gobba baalatennino gamba assite gobbanke qolinke; hakkawoyite galanteemmohe; qullaawa su'makkino ayirrinseemmo.

FAARSO 107:3

Allaggu gobbanni galagalche abbino'ne; soojjaatinninna galchiminni aliyyenninna wodiidinni gamba assino'ne.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

FAARSO 30:6

Ani keere noommo yannara, «Ikkeemmori dino» yoommo.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 11:12

Hatte yannara, Mootichu Israeelenna Yihudu manna baala billaallinowiinni shoolente maddenni gamba assinota egensiisate malaate uurrisanno.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 26:20

Manna'ya, mini'nera e'ine cufana cufidhe; hanqu sa"a geeshsha shiima yanna maaxamme.

ISAYAASI 27:12

Loosi'rino manchi gide galawuwiinni badannonte gede, hakko barra Kaaliiqi, Efiraaxisi Wayinni kayise Gibitsete danni geeshsha nooha mannasi Israeele, mittu mittunkunni gamba assanno.

ISAYAASI 27:8

Baabiloonira qafadante hadhanno gede asse qorichishinonsa; wolqaataame Soojjaati bubbe assitannohu gede asse kayise huninonsa.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ISAYAASI 49:21

Hakkunni gedensaanni wodanikkinni, ‹Ani ile hee'renni ilaweelo ikkoommate; qafadame ha're manniweele hee'roommate. Tini ooso maminni daggute? Ayi ile uyinoete? Lossinonsahu ayeti?› yaatta» yii.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ISAYAASI 60:10

«Ani hanqe qorichishoommohe; xa kayinni marareemmohe. Allaggikki huxxakki huxxitanno; mootoollansa soqqantannohe.

ISAYAASI 60:4

«Haxo gotti yite qooxeessikkira noo ikkito lai; baalunku gamba yite atewa dagganno. Labballiti oosokki xeertote gobbanni higganno; seennekkino bayi'ne haa'ne abbinanni.

ISAYAASI 62:4

Kunni ka'a, «Hambe Agurroonnite» diyinannihe; baattokkino, «Onate» diyinanni. Haaru su'mikkino, «Kaaliiqi Hagiidhinosete» yinanniha ikkanno; Baattokkino, «Galte Afidhinote» yinanni. Kaaliiqira atenni tashshi yaannosi; baattokkino galte noose mancho gedeeta ikkitanno.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ISAYAASI 66:18

Anino loosonsanna hedonsa afoommo daafira, gosa baala gamba assammora dayemmo; gamba yite dagganno woyite ayirrinye'ya affanno.

ERMIYAASI 51:5

Ani Olantote Mootichi Kaaliiqi, Israeelete qullaawi aana saonsa batidhuro nafa, Israeelenna Yihuda diaguroommo.

ERMIYAASI QURTO 3:31

Kaaliiqi hegere geeshsha dihunannonke.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

HIZIQEELI 36:24

Dagate giddonni fushsheemmo'ne; gobba baalantenni gamba asse umi'ne gobba qoleemmo'ne.

MIKIYAASI 4:6

Kaaliiqi, «Ani qorichishoommonsa daafira, qafadameenna lowo qarrinna mitiimma amaddinoha manna'ya gamba asseemmo yanna dagganno.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

EFESOONI SOKKA 1:10

Tini hedosi wo'mitannohu Maganu yiino yanna dagganno warooti. Hedosino gordohonna baattote noo coyi baalu mitteenni gamba yee, mittu Kiristoosi anga galanno yannaraati.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.

LAYINKI PHEEXIROOSI 3:8

Jaalla'ya! Ki'ne kayinni, Mootichunniwa mittu barri kumu diri gede, kumu diri mittu barri gede ikkinota konne mitto coye habbinoonte.