ISAYAASI 54:1 - Qullaawa Maxaafa

¹ Kaaliiqi, «Yerusaalame, ate alba ilaweelo manchooti yinoonnihe; xa kayinni galtesewiinni baxxite egentinokki manchonni roore, lowo ooso afi'rattaraatina hagiirrunni ilillisi.

ISAYAASI 54:1 ပူးပေါင်းရင်းမြစ်များ

KALAQAMA 21:6

Saarano, «Maganu oso'leemma gede assinoena, konne coye macciishshannohu baalu ane ledo oso'lanno» yitu.

FAARSO 113:9

Ilaweelo mancho ilate ama assannose. Kaaliiqira galatu iillosi.

FAARSO ROORE FAARSO 8:8

Unuunu leellinokkiti shiima rodoo noonke; adhannohu xa'mi'riro, rodoonke hiissineemmo?

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 24:14

Baotenni gattinori hagiidhite ilillissanno; galchimaanni noorino Kaaliiqi jawimma kultanno.

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 49:19

«Diigante mulla darga ikkittaro nafa, xa galagale higannohu mannikki wo'me ruukkamanno; diigginoherino atewiinni xeertidhe hadhanno.

ISAYAASI 49:20

Qafadote yannara ilantinoti oosokki, ‹Dargu ruukkinonkena hee'neemmoha hala'lado darga uyinke› yitannohe.

ISAYAASI 62:4

Kunni ka'a, «Hambe Agurroonnite» diyinannihe; baattokkino, «Onate» diyinanni. Haaru su'mikkino, «Kaaliiqi Hagiidhinosete» yinanniha ikkanno; Baattokkino, «Galte Afidhinote» yinanni. Kaaliiqira atenni tashshi yaannosi; baattokkino galte noose mancho gedeeta ikkitanno.

ISAYAASI 66:7

«Qullaawu Katami'ya, gamaa'mitukkinni iltanno mancho gedeeho.

SOFFOONIYAASI 3:14

Kaaliiqi, «Tsiyooni beetto faarsi! Israeelete manna! Faarse! Ilillisse! Yerusaalamete beetto! Wo'mu wodanikkinni tashshi yoohena, hagiidhi.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

GALATIYU SOKKA 4:27

Maganu qaali giddo, «Ati iloottakki gaana hagiidhi! Ati gamaa'mite egennoottakkiti, qoonqokki naggi assite ilillisi. Galte afidhinotenni roore, galte afidhinokki mancho lowo ooso iltino» yine borreessinoonni.

UMI SAAMUEELI 2:5

Duubbe heedhannori hudidhe mannaho soqqantanno; hudidhe heedhannori sagale duubbanno. Gaana lamala iltanno; lowo ooso ama ilaweeltanno.