ISAYAASI 53:7 - Qullaawa Maxaafa

⁷ «Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

ISAYAASI 53:7 ပူးပေါင်းရင်းမြစ်များ

FAARSO 38:14

Macciishsha hoogatenni kainohunni, tumo qolannokki manchi gede ikkoommo.

FAARSO 38:15

Kaaliiqa'ya ballo, ate hexxeemmona, Mooticha Magano'ya ati dawarattoe.

FAARSO 44:22

Ate daafira wo'ma woyite shinoonninke; gorrinanni ge'reewi gedeno ikkinoommo.

ISAYAASI 50:6

Gantannoerira badhe'ya oommo; ereeda'ya cirtannorira baqqaalla'ya qoloommo; xontannoerinna malxifattannoeriwiinni alba shawwu diyoommo.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

ERMIYAASI 11:19

Anino gorrinara haa'ne ha'nannihu ge'rechu wilii'lichi gede ikkoommo. «Amme haqqicho laalose ledo hunnona; amme kunni ka'a su'masi kayinsannikki gede, mannu mereerinni hoollona» yite, ma'litinota ani diafoommo.

MAATEWOOSI 26:63

Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

MAARQOOSI 14:61

Yesuusi kayinni mittoreno qolikkinni sammi yii. Qeesootu Roorrichi lede, «Maassamino Magani Beetti, Kiristoosi ateetini?» yee xa'misi.

MAARQOOSI 15:5

Yesuusi kayinni mittoreno diqolino; sammi yaasira Philaaxoosi dhaggeeffati.

LUQAASI 23:9

Kunnira Heeroodisi Yesuusa batinye xa'mo xa'mi. Yesuusi kayinni mittoreno diqolinosi.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 19:9

Galagale hoowe giddoonni e"e, «Ati maminni dayotto?» yee xa'misi. Yesuusi kayinni mittoreno diqolinosi.

UMI PHEEXIROOSI 2:23

Xontannasi qole dixonino; qarra adhanni hee're halaale coyi'ranno Maganira eeggo uyino ikkinnina, qole direewino.

YOHAANNIS AJUUJA 5:6

Hakkunni gedensaanni ayirradu barciminna shoolunku kalaqami mereeronna geerru giddo gorraminohu gede ikke uurre noo Ge'recho afummo. Kunni ge'rechira lamala buuddanna lamala ille noosi. Illuwanna buudda gobba baala sonkoonniti lamalanti Maganu ayyaannaati.