ISAYAASI 53:3 - Qullaawa Maxaafa

³ Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

ISAYAASI 53:3 ပူးပေါင်းရင်းမြစ်များ

FAARSO 69:29

Ani qarraataamohonna madaanchoho; Magano'ya ballo, gatisaanchimmakkinni agarie.

FAARSO 88:4

Mannu reyinohu gede asse kiirie; wolqano co'o yite gooffue.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 50:6

Gantannoerira badhe'ya oommo; ereeda'ya cirtannorira baqqaalla'ya qoloommo; xontannoerinna malxifattannoeriwiinni alba shawwu diyoommo.

ISAYAASI 52:14

Dana soorrame manna lawannokkiha ikkino daafira, la"anno manni baalu lowo geeshsha masanno.

ISAYAASI 53:10

Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

ISAYAASI 53:4

«Halaalinta ninke dhibba isi doyisse adhino; xissonkeno isi duqqino. Ninke kayinni Maganu hanqe qorichishinosihu gede assine kiirroommosi.

MIKIYAASI 5:1

Ki'ne Yerusaalamete manna! Kuneeti diinu gaangeesse noonkena, Israeelete gashshaanchi baqqaallasi siqqotenni ganaraatina, olanto'ne mitteenni qixxeessidhe.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

MAATEWOOSI 26:67

Hatte yannara anja tuffanni, tuttugganni, qawaaddanni,

MAATEWOOSI 27:63

«Mooticha, hakku so'risiisaanchu lubbotenni hee're, ‹Sasu barri gedensaanni reyotenni kaeemmo› yiinoti qaagantinonke.

MAARQOOSI 10:33

«Kuneeti, xa ninke Yerusaalame ha'nammoraati. Manchi Beetto qeesootu roorrootiranna Muse Seeri rosiisaanora sayinse uyinanni. Insano reyote yoo yitannosi; dagate angara sayisse uyitannosi.

MAARQOOSI 10:34

Insano qacifattannosi; anjano tuffannosi; lichetenni gantannosi; shitannosi. Ikkollana sasu barri gedensaanni ka"anno» yii.

MAARQOOSI 14:34

«Lubbo'ya reyote geeshsha dadillitino. Ki'ne kayinni goxxinikkinni konniicho agarre!» yiinsa.

MAARQOOSI 15:19

Siqqotenni umo gantanni, anja tuffanni, balalsitannisi heeshshi yite albasiinni kumbuultu.

MAARQOOSI 9:12

Isi kayinni, «Halaaleho, Eeliyaasi balaxe daye baalankare darga qolanno. Ikkollana Manchi Beetti qarra adhannotanna shollannota borreessinoonnihu mayiraati?

LUQAASI 16:14

Farisootu woxe baxxannore ikkitino daafira, Yesuusi coyi'rinore baala macciishshite arrassitusi.

LUQAASI 19:41

Yesuusi Yerusaalame iille laihu gedensaanni katamu daafira wi'li.

LUQAASI 8:53

Mannu kayinni beetto reyitinota afino daafira maaeelse oso'lisi.

LUQAASI 9:22

Yesuusi rosaanosi, «Manchi Beetti lowo qarra adha hasiissannosi; geerrunna qeesootu roorrooti, Seeru rosiisaano mishshannosi; shinannisi. Ikkollana sayikki barra reyotenni ka"anno» yiinsa.

YOHAANNISI 11:35

Yesuusino wi'li.

YOHAANNISI 8:48

Ayihudootu, «Ati Samaarichaho; durriisuno noohe yaankera ninke digaraho?» yitu.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

IBIRAAWOOTA 4:15

Cubbo agurranna ninke gede baalu coyinni fonqolaminohu Qeesootu Qari noonke. Isi wolqanke anjera kaa'le afannokkiha di"ikkino.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.