ISAYAASI 53:11 - Qullaawa Maxaafa

¹¹ Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 53:11 ပူးပေါင်းရင်းမြစ်များ

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 45:25

Israeelete sircho ikkinohu baalu, ane Kaaliiqinni qeellenna ayirrinye afi'ranno» yii.

ISAYAASI 49:3

Isino, «Israeeli! Ati anera soqqamaancho'yaati; atenni kainohunni mannu baalu ayirrisannoe» yiinoe.

ISAYAASI 52:13

Kaaliiqi, «Soqqamaanchi'yara assannori baalu qinaannosi; lowo ayirrinyeno afi'ranno.

ISAYAASI 53:12

Lubbosi reyote sayise uyino; bunshe assitannori ledo kiirroonnisi. Ikkeennano lowo manni cubbo duqqino; sao assitinori daafira araara eanno; jajjabbu ledo dilaalasi eemmosi; wolqaataammu ledo horro beeqqanno» yii.

ISAYAASI 53:8

Qarrinse halaaleno beeshshine haa'ne ha'noonnisi; manninke cubbi daafira yeenna shinoonnisita, ilamate giddonni coyi'rannohu nooni?

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

MAATEWOOSI 20:28

Manchi Beettino soqqamaranna lowo manna wode gatisate lubbosi sayise aara dayino ikkinnina soqqammasira didayino» yii.

LUQAASI 22:44

Wodana lowo geeshsha yaadino daafira duu're huucci'ranni no. Hunkuuno mundeete gede ikke uullate aana coccoi.

YOHAANNISI 12:24

Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno.

YOHAANNISI 16:21

Ila rakkino meyati gamete barri iillinosehura yaaddanno. Iltuhu gedensaanni kayinni, tenne gobbara qaaqqu ilamino daafira hagiidhite qarrase habbanno.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

ROOMU SOKKA 4:24

ninkerano ledooti. Mootichanke Yesuusa reyotenni kayisino Magano amma'nineemmorira ninkerano, ammananke keeraanchimmate kiirantannonke.

ROOMU SOKKA 5:9

Keeraa'minoommohu Yesuusi Kiristoosi mundeenni ikki geeshsha, roorenka isi widoonni hinge Maganu hanqinni ganteemmo.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

GALATIYU SOKKA 4:19

Ooso'ya! Kiristoosi wodani'ne giddo leella geeshsha, xaano ki'ne daafira game amadde nooe.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

UMI YOHAANNISI 2:1

Ooso'ya! Cubbo loossinannikki gede konne coye borreessoommo'ne. Ayino cubbo loosiro kayinni, Maganu Annunniwa ninkera sae coyi'ramannohu noonke; isino keeraanchu Yesuusa Kiristoosaati.

LAYINKI YOHAANNISI 1:1

Ani geerchu, doorantino ayirradoranna oososera, soommo sokka tenneeti; ani halaalunni baxeemmo'ne; ane calla ikkummokkinni halaale egentinori baalu baxxanno'ne.

LAYINKI YOHAANNISI 1:3

Maganu Annunnitinna Beettisi Yesuusi Kiristoosi elto, maaronna keeru, halaalunninna baxillunni ninke ledo hee'ro.