ISAYAASI 53:10 - Qullaawa Maxaafa

¹⁰ Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

ISAYAASI 53:10 ပူးပေါင်းရင်းမြစ်များ

FAARSO 110:3

Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 21:4

Heeshsho aattosira huucci'reennahe, lowo geeshsha seeda diro oottosi.

FAARSO 22:30

Dagganno ilama soqqantannosi; mannuno Mootichu looso dagganno ilamara kulanno.

FAARSO 22:31

Kunni ka'a ilamanno mannira, «Kaaliiqi mannasi gatisino» yine kullanni.

FAARSO 69:26

Ati ganoottonsare gadadissannonsa; ati madiissoottorira qarra leddanno.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 72:7

Isi gashshooti yannara keeraano qawaaxxidho; aganu ba"a geeshsha jiro batidho.

FAARSO 89:29

Sirchisi hegere hegerera moohanno; gashshootisi gordu noo yanna geeshsha hee'ranno.

FAARSO 89:36

Sirchisi hegere hegerera moohanno; minisi gashshooti arrishsho heedhanno geeshsha keeshshanno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 46:10

Ikkanno coye baala balaxe kuloommo; ikkara nooreno alba asse coyi'roommo; ani ikkanno yoommori ikkanno; anino hedoommore asseemmo.

ISAYAASI 49:4

Anino aneneera, «Beebba daafuroommo; kaa'lannori nookkirira haafa wolqa'ya guxxoommo. Ikkirono ane coyi Kaaliiqi anga no; daafuri'yara uyinannierino Magani'yawa no» yoommo.

ISAYAASI 53:12

Lubbosi reyote sayise uyino; bunshe assitannori ledo kiirroonnisi. Ikkeennano lowo manni cubbo duqqino; sao assitinori daafira araara eanno; jajjabbu ledo dilaalasi eemmosi; wolqaataammu ledo horro beeqqanno» yii.

ISAYAASI 54:3

Raga baala hala'latta; sirchikki daga adhitinota baattonsa qo'lanno; agurte hadhinota katammansano ragi'ranno.

ISAYAASI 61:9

Oosonsa gosate mereero, oosonsa oosono dagate giddo egennantinore ikkitanno; la"annonsahu baalu ani Kaaliiqi maassi'roommonsa gosa ikkitinota afanno» yii.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 37:25

Soqqamaanchi'ya Yaiqoobira oommositeranna akaakkansa heedhino baattora heedhanno; insanna oosonsa, sirchinsa baalu hatte gobbara hegere geeshsha heedhanno. Soqqamaanchi'ya Daawiti gedee moote hegere geeshsha gashshannonsa.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

MAATEWOOSI 3:17

Hakkawoyintenni, «Hagiirsiisannoehu baxeemmo Beetti'ya isooti» yitanno huuro gordunni daggu.

LUQAASI 1:33

Yaiqoobi minirano hegerera moohanno. Gashshootisira gawalo dino» yiise.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 12:24

Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno.

YOHAANNISI 13:32

Maganu isi widoonni ayirriro, Maganuno Manchi Beetto ayirrisannosi; rahotenni ayirrisannosi.

ROOMU SOKKA 6:9

Kiristoosi reyotenni kaino daafira, layinkimeeshsho reyannokkitanna reyono isi aana wolqa afidhinokkita egenninoommo.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

ROOMU SOKKA 8:8

Maalu coyinni amadantinori, Magano hagiirsiisse diaffanno.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

GALATIYU SOKKA 3:13

Maganu qaali, «Haqqu aana sutame reyinohu baalu rumammoho» yiinonte gede, Kiristoosi ninkera yee rumaminoha ikke, Seeru rumo giddonni wodinonke.

EFESOONI SOKKA 1:5

Yesuusi Kiristoosinni oososi ikkineemmo gede Maganu alba asse hirqino.

EFESOONI SOKKA 1:9

Kiristoosi widoonni qole wonshara balaxe hedinoha dahaawe noo coye anfeemmo gede assino.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

LAYINKI TESELONQE 1:11

Konne coye hedatenni ki'ne daafira wo'manka woyite huucci'neemmohu Maganinke, woshshino'ne heeshshora maltinoonnire ikkitinanni gedenna dancha coye assate noo'ne halchonna ammana'ne looso baala wolqasinni guuttinannire assanno'ne gedeeti.

IBIRAAWOOTA 2:13

Qoleno, «Ani iso hexxeemmo» yaanno. Hattonni, «Aninna Maganu uyinoe ooso, konniicho hee'noommo» yaanno.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

IBIRAAWOOTA 9:14

Hatto ikkannoha ikkiro, hegere Ayyaani widoonni qole isonoo mishamme nookki kakkalo asse Maganoho shiqishinohunniti Kiristoosi mundee heeshshote Maganira soqqammeemmo gede, reyote loosiwiinni tiianke hiitto roorsite keereensa hoogganno!

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

YOHAANNIS AJUUJA 1:18

heeshshonnihuno aneeti. Kunni albaanni reyommo; xa kayinni kune hegere heeshshoha ikkoommo; reyotenna jeennaatu roorre anga'ya no.