ISAYAASI 52:7 - Qullaawa Maxaafa

⁷ Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

ISAYAASI 52:7 ပူးပေါင်းရင်းမြစ်များ

FAARSO 59:13

Insa hanqikkinni huni; shakki assite gudi; Maganu Israeeletenni sae baatto baalate gashshaancho ikkinota, baalunku hakkawoyite affanno.

FAARSO 68:11

Mootichu hajajo uyi; lowo meenti duduwosi gobba tuqisi.

FAARSO 93:1

Kaaliiqi mootete; kalqeno kaajjishe uurrisino; iseno dishashshafantanno.

FAARSO 96:10

Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

FAARSO 97:1

Kaaliiqi moohinona, baatto hagiidhito; giddichuwa baalate tashshi yoonsa.

FAARSO 98:2

Kaaliiqi qeellesi leellishi; daga baala gatisaanchimmasi affanno gede assi.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

FAARSO 99:1

Kaaliiqi moohi; daga baalano qece yito; kirubeelira iimaanni ofolli; baattono huxidhanno.

FAARSO ROORE FAARSO 2:8

Kuneeti baxillaanchi'ya huuro, ilaallate aana kubbitanni daggu; isino gaarrate aana dodanni dayi.

ISAYAASI 24:23

Olantote Mootichi Kaaliiqi, Tsiyooni Ilaalira Yerusaalamete moohanno daafira, aganu tunsanno; arrishsho xo'anno; gashshaano baala ayirrinyesi la'anno.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 41:27

Balaxe Tsiyoonira konne coye hasaawoommohu aneeti; Yerusaalameteno dancha duduwo kuloommohu aneeti.

ISAYAASI 42:11

Halallinna halalla noo katamma baala, Qeedaari gosa heedhanno halalli baalu qoonqosi naggi asso! Seelai Katamira hee'ranno manni baalu, ilaallate iima hee're ilillisanni faarso!

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

NAHOOMI 1:15

Kuneeti dancha duduwo kulannohu, keereno lallawanno soqqamaanchi ilaallate aanaanni hige daanni no. Yihudu manna, bushuullu diinnakki co'o yite gooffinona, kunni ka'a gobbakki horonta dihorritanno. Kunni daafira, diru ayyaannakki hagiirrunni ayirrisi'ri. Xanokkino Kaaliiqira uyi'ri.

NAHOOMI 2:1

Nennewe! Kade gashshanno diini dayinohe. Kunnira, qiishokki kaajjishi'ri, doogokki seekkite agadhi; hallokki qodhi. Wolqakki baala kaajjishidhe olaho qixxaawi.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

MAARQOOSI 13:10

Kuni baalu ikkara albaanni Danchu Duduwi gosa baalate kulama hasiissanno.

MAARQOOSI 16:15

Qoleno, «Gobba baala hadhine Dancha Duduwo kalaqama baalaho lallabbe!

LUQAASI 2:10

Sokkaasinchu kayinni, «Waajjitinoonte! Mannu baalunkura ikkannoha dancha duduwo kulammo'nera dayommo.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

EFESOONI SOKKA 6:15

keerunniha Hagiirru Duduwo kulate qixxaawo lekka'nera koattimma wodhe.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 14:6

Hakkunni gedensaanni baattote aana noo gosara, ga'retenna addi addi afiinni coyi'ranno manni baalaho lallawate hegereti Danchu Duduwi sokka noosiha wole sokkaasincho gordu mereero buuwanna afummo.