ISAYAASI 52:6 - Qullaawa Maxaafa

⁶ Hatte yannara kayinni ki'ne ani Kaaliiqa ikkoommotanna konne coyi'roommohuno ane ikkoommota affinanni» yii.

ISAYAASI 52:6 ပူးပေါင်းရင်းမြစ်များ

FAARSO 48:10

Magano! Su'mikki gobba baalate egennaminonte gede, galatikkino gobba baala iillanno; angakkirano halaalu wo'mino.

FULO 3:13

Museno, «Ani Israeelete manniwa mare, ‹Akaakka'ne Magani ki'newa soyinoe› yeenna, insano qolte, ‹Su'misi ayeti› yite xa'mituero mayee dawaronsa?» yii.

FULO 33:19

Kaaliiqino, «Danchumma'ya leellisheemmoheta gaamaarreyya albakkiinni qole sayiseemmo; qullaawa su'ma'yano kuleemmohe; marareemmoha marareemmo; maareemmohano maareemmo.

FULO 6:3

Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa› yinannihunni qullaawu su'mi'yanni kayinni dileelloommonsa.

ISAYAASI 40:9

Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 42:9

Kune ani balaxe coyi'roommo coyi wo'mino; xa qole albillittete ikkara noore balaxe kuleemmo'ne» yii.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 60:16

Oososera unuuna qansitanno ama gede, ate daganna mootoolla towattannohe. Atino ani Kaaliiqi gatisaanchokkinna wodeemmoheha, wolqaataamo Yaiqoobi Magano ikkoommota afatta.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

HIZIQEELI 20:44

Ki'ne Israeele, bunshe'nenna bushu loosi'ne garinni ikkikkinni, su'mi'yara yee asseemmo'ne danchummanni ani Kaaliiqa ikkoommota affinanni. Konne coye coyi'roommohu ani Mootichu Kaaliiqaati» yii.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.