ISAYAASI 52:1 - Qullaawa Maxaafa

¹ Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 52:1 ပူးပေါင်းရင်းမြစ်များ

UMI DUDUWO 16:29

Kaaliiqiha ayirrado su'ma galatte; fushshaate haadhine abbe; ki'neno isiwa amme. Qullaawu Magani leellanno woyite magansidhesi.

NEHIMIYA 11:1

Roorrootu Yerusaalamete heedhu; wolu manni, ga're ga'rete giddonni tonnu boosaalli giddonni mittu Qullaawu Katamira Yerusaalamete hee'ranno gede hixa ga'ni. Hakkiinni gatino manni kayinni wole katammara hee'ri.

FAARSO 110:3

Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

FULO 28:2

Rodiikki Aaroonira gaamaarretenna biinfilleho ikkannosi gede qeesimmate imaana qixxeessisi.

FULO 28:40

«Aarooni oosora gaamaarretenna seesaho ikkannonsa gede shamissa, seeda koffiyanna hallo usudhinanni uddano seekkinsa.

ISAYAASI 1:21

Ammanamino katami hiitto foora mancho gedeeha ikki! Albaanni halaalu wo'minohonna keeraano heedhannowaati; xa kayinni manna shitannori giddo wo'mitinoha ikkino.

ISAYAASI 1:26

Yerusaalame, albiri gedee gashshaanonna amaalaasine kayiseemmohe. Hakkunni gedensaanni, ‹Keeraanchoho; ammanama noosi katamaati› yinannihe» yii.

ISAYAASI 26:2

Halaale loosannohu ammanamino manni eona, katamu waalcho fanne.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 4:3

Kaaliiqi dooreenna Yerusaalamete gattannore baala, qullaawa mannaati yinanninsa.

ISAYAASI 48:2

Ki'ne, «Qullaawu Katamira hee'neemmo; Olantote Mooticha Israeelete Magano hexxineemmo» yitine adawadhitinanni.

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ISAYAASI 51:17

Gaggassannoha hanqu finiincho, Kaaliiqi anganni adhite cingiishshi'roottati Yerusaalame, Baqqi yii; ka'e uurri!

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.

ISAYAASI 60:1

Yerusaalame! Caabbichikki dayinona ka'e xawisi'ri; Kaaliiqi ayirrinyino aanakki xawanno.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 64:10

Qullaawa katammakki mulla darga ikkitino; Yerusaalameno ona ikkitino.

ERMIYAASI 31:23

Israeelete Magani Olantote Mootichi Kaaliiqi, «Manna'ya gobbansa qoleemmo waro Yihudahonna katammansara hee'ranno manni, ‹Kaaliiqi hee'rannohu Qullaawu Ilaali maassamo› yaanno» yii.

HIZIQEELI 44:9

«Kunni daafira, anera hajajamannokkihu barciminokki manchi, wole agarranna Israeelete manni mereero hee'rannoha ikkiro nafa, Qullaawu Mini'yara eannokki gede ani Mootichu Kaaliiqi hooloommota egensiiseemmo» yiie.

DAANIEELI 10:9

Manchu huuro macciishshummo yannara, mase anenee hawe baattote aana gombisame uwoommo.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

NAHOOMI 1:15

Kuneeti dancha duduwo kulannohu, keereno lallawanno soqqamaanchi ilaallate aanaanni hige daanni no. Yihudu manna, bushuullu diinnakki co'o yite gooffinona, kunni ka'a gobbakki horonta dihorritanno. Kunni daafira, diru ayyaannakki hagiirrunni ayirrisi'ri. Xanokkino Kaaliiqira uyi'ri.

HAGE 2:4

‹Xa kayinni baalunku jawaatte! Ani ledo'ne noommona minne!› yaanno Olantote Mootichi Kaaliiqi.

ZAKKAARIYAASI 3:4

Sokkaasinchuno soqqamaanosi, «Tenne xurtino uddano fushshesi!» yee hajajinsa. Falaqqi yee Iyyaasuwa hige, «Kuneeti saokki atewiinni hooloommo; faayya qeesimmate uddanono uddisiiseemmohe» yiisi.

MAATEWOOSI 4:5

Hakkunni gedensaanni, Sheexaanu Yesuusa Qullaawa Katama Yerusaalame masse Qullaawu Mini guunxo iimira fushshe uurrise,

LUQAASI 15:22

Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi.

ROOMU SOKKA 13:14

Mooticha Yesuusi Kiristoosa uddidhe ikkinnina, maalu yorto wonshate heddinoonte.

ROOMU SOKKA 3:22

Maganu Yesuusa Kiristoosa amma'nanno manna baala keereensanno. Mannu mereerono badooshshe diworanno.

EFESOONI SOKKA 4:24

Magano lawate kalaqantinota, halaalaancho qullaawanna keeraanchimmannita haaro mannimma uddidhe.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

YOHAANNIS AJUUJA 11:2

Maganu Minira gobbaanni nooha fano darga kayinni aguri. Hakku dargi dagate uyinoonniha ikkino daafira bikkitooti. Daga Qullaawa Katama 42 agani geeshsha kaddanno.

YOHAANNIS AJUUJA 19:14

Waajjuulle farado guluffinori, waajjonna xuru nookkita shaalado uddanna uddidhinori, gordu olanto hoodesi hadhanni no.

YOHAANNIS AJUUJA 19:8

Iserano bilicci yitannotanna xurtinokkita shaalado uddano, uddidhanno gede uyinise» yitanna macciishshummo. (Shaalado uddano, qullaawu manniha keeraanchimmate looso leellishshanno.)

YOHAANNIS AJUUJA 21:2

Qullaawu katami haaro Yerusaalame, adhannosehura seesse qixxaabbino seemo gede ikkite gordunni Maganuwiinni dirritanna afummo.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.