ISAYAASI 51:5 - Qullaawa Maxaafa

⁵ Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 51:5 ပူးပေါင်းရင်းမြစ်များ

FAARSO 110:6

Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 67:4

Halaale coyi'rattonsa daafiranna, baattote aanano heedhanno gara kulattonsa daafira, daga baala hagiirrunni faarsitohe.

FAARSO 85:9

Ayirrinyisi baattonkera hee'ranno gede, isino ayirrissannosire gatisate qixxaawaho.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 24:15

Kunnira Soojjaatoonni noori Kaaliiqa ayirrissanno; Giddichuwate heedhannori, Israeelete Magano Kaaliiqa guwissanno.

ISAYAASI 26:4

Mootichu Kaaliiqi hegere golootina, geedote geeshsha iso addaxxe.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 40:10

Kune Wo'munkura Aliidihu Kaaliiqi, jawa wolqasinni gashshara daanno. Daanno woyite afanshanna, loonsoonnirira aannore haa're daanno.

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 49:1

Ki'ne giddichuwate heedhinanni gosa macciishshe"e! Xeerto gobbara heedhinannirino wodanche. Kaaliiqi ilamammora albaanni woshshinoe; ama'ya godowi giddo hee'reennanni doorinoe.

ISAYAASI 54:17

Ate shinara seekkinanni bagadi shuffanno; yekkeertannoherira baalaho qolatta dawaro dihoogatta. Ani soqqamaano'yara golo ikkeemmonsa; qeelleno eemmonsa. Konne coye coyi'reemmohu ani Kaaliiqaati» yii.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

ISAYAASI 59:16

Gadadantinore kaa'lannohu mittuno nookkita afe maala'li; kunnira gadadantinore isi umisi wolqanni kaa'le, qeelle afidhanno gede assi.

ISAYAASI 60:9

Israeelete Qullaawi Magani'ne Kaaliiqi, ayirrisino'ne daafira isi ayirrinyira yite, Terseesi markabba ooso'ne birrinsanna culkinsa ledo, xeerto gobbanni haadhe abbitanno.

ISAYAASI 62:11

Kaaliiqi daga baalate, « ‹Tsiyoonira, gatisaanchikki daanno; mannaho aanno ba'raa'rino angasi no› yitine kulle» yee lallawi.

ISAYAASI 63:5

Wirri yee laeemmo woyite kaa'lannoehu dino; ha'lannoehano lae hoogoommo. Kunnira ani wolqaataamu hanqi'yanni, qeelle angara adhoommo.

IYUEELI 3:12

Daga baalanti qixxaabbe, Iyosaafiixi Lagicha hadhona. Kaaliiqi qooxeessaho noo daga aana, yoo yaara hakkiicho ofollanno.

SOFFOONIYAASI 2:11

Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAARQOOSI 16:15

Qoleno, «Gobba baala hadhine Dancha Duduwo kalaqama baalaho lallabbe!

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

ROOMU SOKKA 2:16

Kuni ikkannohu ani kuleemmohu Danchu Duduwi garinni, Maganu Yesuusi Kiristoosi widoonni qole mannunnita maaxante noo hedo qorichishanno Barraati.

LAYINKI QORONTOOSI 5:10

Mittu mittunku maalunni hee're loosinoha dancha woy busha loosisi guma adhate, baalunku Kiristoosi barcimi yoonnihu albira shinqeemmo.

MARRO 30:14

Qaalu kune ki'newa no. Wodani'neranna afii'nera noona hajajamme.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.