ISAYAASI 51:4 - Qullaawa Maxaafa

⁴ «Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 51:4 ပူးပေါင်းရင်းမြစ်များ

FAARSO 106:5

Atere ikkansanni naaxxitannori gede, aneno doorantinori qawaaxxo lae hagiidheemmo gede assie.

FAARSO 147:20

Seerasi afinokki daafira, konne baala wolu mannira diassino. Kaaliiqi galatamo!

FAARSO 33:12

Kaaliiqi Maganonsa ikkino manni ba'raa'rinoho; isire assi're doodhinonsa gosa ba'raadhinote.

FAARSO 50:7

Manna'ya kuleemmo'nena, macciishshe"e; Israeele ki'ne aana naqqaseemmona, macciishshe; Maganu ani Magano'neeti.

FAARSO 78:1

Manna'ya, rosiiseemmo'nere macciishshe; macca'neno qaali'ya widira qolle.

FULO 19:6

anera qullaawoota ikkitine gashshooti'yara qeesimmatenni soqqantinannie yii. Konneno Israeelete manni baalaho kulatto» yiisi.

FULO 33:13

Baxattoeha ikkiro, hedoottori maatiro kulie; konne mannano ateha assite doodhoottota qaagi» yii.

LAWISHSHA 6:23

Hajajonsa caabbichoho; rosiishshinsano xawaabbaho; seejjonsano hee'ratto gara kultannohe.

ISAYAASI 1:27

Ani Kaaliiqi halaalaancho ikkoommo daafira Yerusaalamenna giddose heedhannore cubbonsa aagintaabbannore gatiseemmo.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 26:2

Halaale loosannohu ammanamino manni eona, katamu waalcho fanne.

ISAYAASI 26:8

Mooticha, seerakki agadhinanni ate hexxineemmo; wodaninke halchono ate ayirrisate.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 42:21

Kaaliiqi wo'manka woyite halaalaancho coye assanno; kunnira seerasi jawanna ayirrado assino.

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 63:8

Kaaliiqi, «Insa addinta ane mannaati; doggannoekki ooso'yaati» yii. Insarano gatisaanchonsa ikkino.

MIKIYAASI 4:2

kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

UMI QORONTOOSI 9:21

Maganu Seerinni galoommohanna Kiristoosi Seerira woroonni noommoha ikkummorono, Seeru nookki daga gatisammora yee insa gedeeha ikkoommo.

MARRO 18:18

roduuwinsa giddonni ate gedee himanaancho kayiseemmo; coyi'rannoha qaale'yano eemmosi. Ani hajajoommosire baala mannaho kulanno.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.