ISAYAASI 51:3 - Qullaawa Maxaafa

³ «Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 51:3 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

FAARSO 85:8

Maganu Kaaliiqi coyi'rannore macciishsheemmo; isiwa higginorira, «Keere eemmo'ne» yaannonsa.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ISAYAASI 41:16

Woowansiteenna bubbe adhite hadhannonsa; hombobolatteno billaallissannonsa. Ani Kaaliiqakki ikkoommo daafira, hatte yannara hagiidhatto; atino ane Israeelete Qullaawa ikkoommoha Magano galaxxatto.

ISAYAASI 43:19

Kune haaro coye asseemmo; isino xaanni mu'ranno; ki'ne diegentinoonni? Halallitte gobbara doogo, moola baattora waa fushsheemmo.

ISAYAASI 44:26

Soqqamaano'ya yitinori wo'manno gede, himanaano'ya coyidhinorino halaale ikkanno gede asseemmo. Insa, ‹Yerusaalame lowo manni hee'ranno katama ikkitanno; Yihudu katammano gatamarantanno; diigantino minnano galagalte minantanno› yite coyidhino coye wonsheemmo.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 49:19

«Diigante mulla darga ikkittaro nafa, xa galagale higannohu mannikki wo'me ruukkamanno; diigginoherino atewiinni xeertidhe hadhanno.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 51:12

Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 52:9

Kaaliiqi mannisi wodana diggi assanno; Yerusaalameno gatisannose. Kunnira Yerusaalamete diigamme, mitteenni hagiirrunni faarse.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 65:18

Ani kalaqeemmori baalunni, hegere geeshsha tashshi yoo'nena hagiidhe! Ani kalaqeemmoti haaro Yerusaalame hagiirru wo'minota ikkitanno; manniseno hagiirraamo ikkanno.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

HIZIQEELI 28:13

Edeni shaqqado darga Maganu gate hee'rootto. Duumo dilqa, baqqala dilqa, kaajjado siwiila, haanja dilqa, xoxxorraamo dilqa, bule dilqanna duumu woy haanju dani dilqinni biifinsoonniha culku imaana uddi'rootto; ilamitto waro kuri baalu agare noohe.

HIZIQEELI 36:11

Aana'ne mannunna saada batidhanno gede asseemmo; albinni roore batidhanno. Lowo ooso ilantanno; hakkiicho alba heedhino garinni heedhanno. Albinni roorse duroonseemmo'ne. Hatte yannara, ani Kaaliiqa ikkoommota affinanni.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

IYUEELI 2:3

Albansaanni giira bubbanno; badhensaanni buwanu wala yaanno. Albansaanni baatto Edeni dargi gedeete; badhensaanni noo baatto moola halallitte gobbaati; insa giddonni gate fulannohu dino.

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.