ISAYAASI 51:16 - Qullaawa Maxaafa

¹⁶ Gorduwa diriirsoommohunna baatto xintoommohu aneeti. Tsiyoonino, ‹Ati manna'yaati› yeemmo; qaale'ya afiikkira woroommo; ateno anga'ya caalinni goloommo» yii.

ISAYAASI 51:16 ပူးပေါင်းရင်းမြစ်များ

FAARSO 75:3

Baattonna baattote aana noori baalu daaqanno yannara, ani baattote tuuqqa kaajjisheemmo.

FAARSO 91:4

Qoolisinni golannohe; towatannohe daafira keere hee'ratto; halaalisi ha'lannohe; agarannohe.

FAARSO 92:13

Tini haqqe Kaaliiqi nafara kaansoonnite; Qullaawa Minesi latte heedhanno.

FULO 33:22

ayirrinyi'ya gaamaarre albakkiinni sa'anno woyite, dadhamino kinchi giddo woreemmohe; sa"ammo geeshsha anga'yanni goleemmohe.

FULO 4:15

Konne coye isira hasaawattosi; yaannoreno kulattosi; ani ki'ne lamunku ledo hee're, assitinannire baala kuleemmo'ne.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 48:13

Ani baatto xintoommo; gorduwano diriirsoommo; woshsheemmonsa woyite dagge alba'yaanni uurritanno.

ISAYAASI 49:2

Arrawo'ya bisete gede gamaxaminoha assino; angasi caalira woroonni maaxinoe; qunxoonni maxxi gede kou giddo worinoe.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 65:17

Kaaliiqi, «Kune ani haaro gorduwanna haaro baatto kalaqeemmo; sainore baala hambanni; horonta diqaanganni.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

ERMIYAASI 1:9

Hakkunni gedensaanni Kaaliiqi angasi diriirse suume'ya kise, «Kuneeti coyi'ratto qaale oommohe.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI 32:38

Insano manna'ya ikkitanno; anino Maganonsa ikkeemmo.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

YOHAANNISI 17:8

Oottoe qaale oommonsa; insano adhitino. Ani atewiinni dayommota seekkite affino. Ati soottoetano ammantino.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

MARRO 18:18

roduuwinsa giddonni ate gedee himanaancho kayiseemmo; coyi'rannoha qaale'yano eemmosi. Ani hajajoommosire baala mannaho kulanno.

MARRO 33:27

Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

LAYINKI PHEEXIROOSI 3:13

Ninke kayinni uyinonke hexxo garinni keeraanchimma heedhannoha haaro gordonna haaro baatto agadhineemmo.

YOHAANNIS AJUUJA 1:1

Tini Yesuusi Kiristoosi ajuujaati. Muli yanna giddo ikkanno coye soqqamaanosira leellishanno gede Maganu uyinosite. Kiristoosino sokkaasincho soye soqqamaanchisi Yohaannisira kulino.