ISAYAASI 51:13 - Qullaawa Maxaafa

¹³ Baatto xintoommohanna gorduwa diriirsoommoha, kalaqaancho'ne ane Kaaliiqa habbinoonni. Gudda'nera ka'inoriha kaajjaddu hanqo waajjitinoonni; kunni ka'a insa hanqi assanno'neri dino.

ISAYAASI 51:13 ပူးပေါင်းရင်းမြစ်များ

ASTEERI 5:14

Kunnira galtesinna jaallasi baala, «Hojja 50 cigile ikkitannota haqqu dawe qixxeessite ga'a soodo Merdookiyoosi sutatto gede moote xa'ma hasiissannohe. Hakkunni gedensaanni hagiidhitanni jilaho ha'ratto» yitusi. Haamano tenne hedo baxe suntanni dawe qixxeessi.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

IYYOOBI 37:18

Maganu gordo diriirsi waro, hincilaallote gede xawannoha assate kaa'loottosini?

IYYOOBI 9:8

Gordo callichisi diriirsino; baaru dambalano sammi assannohu isooti.

FAARSO 104:2

Xawaabba imaanimma tuulatootto; gordo dukkanu gede diriirsootto.

FAARSO 106:13

Kayinnilla, assinonsa dhagge baala hakkawoyintenni habbino; isi seejjo diagadhitino.

FAARSO 76:10

Mannu hanqi bati'ri deerrinni atera galatulla lexxannohe; oluwiinni gattinori ayyaanakki ayirrissanno.

ISAYAASI 10:24

Kunnira, Olantote Mootichi Kaaliiqi, «Tsiyooni heedhinanniri manni'ya, alba Gibitsootu gadadissu'ne gede assite gadadissu'nerono Asooroota waajjitinoonte.

ISAYAASI 14:4

Baabilooni moote, «Kune haxawarru moote uwino! Kunni ka'a isi ayeno digadadisanno!

ISAYAASI 16:4

Darame dayinohu manninke ki'ne ledo hee'ro; huntara hasidhannoriwiinni goltine gatissenke» yitanno. (Mararannokki diini ba"anno; kunni ka'a digawajjanno; gobbano dihunanno.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 40:21

Konne coye diaffinoonni? Dimacciishshitinoonni? Bi're albanni dikulloonni'ne? Baatto kalaqantunkunni konne coye dibuuxxinoonni?

ISAYAASI 40:22

Kaaliiqi baattote iimaanni ayirrinyu barcimira ofolle noota, gordo dukkote gede bedeedinota, dukkanu gede diriirsinota, baattote aana noo manni cuuncichu geeshshiha ikkinota diaffinoonni?

ISAYAASI 42:5

Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,

ISAYAASI 43:1

Xa kayinni kalaqino'nehu Kaaliiqi ki'ne Yaiqoobi sirchira Israeelete, «Wodoommo'nehu aneetina waajjitinoonte; ki'ne anereeti; su'mi'nenni woshshoommo'ne.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 48:13

Ani baatto xintoommo; gorduwano diriirsoommo; woshsheemmonsa woyite dagge alba'yaanni uurritanno.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ISAYAASI 57:11

«Ane dogatenna hawate dandiitinihu, hiittenne maganna waajjitineeti? Waajja gibbinoonniehu, lowo yanna sammi yoommo daafiraatini?

ISAYAASI 7:4

Xaadatto woyite, ‹Deantooti; wodanaa'mi; massooti; waajjitooti› yite xo'anni noo giira wiliile gedeere 2 mootoolla Retsiininna Remaaliya waajjannokki gede kulisi.

ISAYAASI 9:4

Midiyaamoota qeelitto yanna gede, xaano mannikki aana duunamino qambaranna, gadadissannonsarita siwiilu siqqo hiiqqootto.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

ERMIYAASI 38:19

Moote Sedeqiyaasi qole, «Ani ninke gibbe Baabiloonootunniwa e'inore waajjeemmo. Baabiloonootu insara sayisse uyituero gawajjitannoe yee yaadoommo» yiie.

ERMIYAASI 51:15

Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.

ERMIYAASI 51:19

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

DAANIEELI 3:15

Xa xurumbu, gingilaatu, maasinqote, kiraarete, baganunna suusullete qoonqo macciishshitinanni woyite uurrisoommo misilera baattote aana gombisantine kumbuultiniro woyyate; kumbuula gibbiniro kayinni hakkawoyintenni bubbanno giira giddo tugantinanni. Anga'yanni gatisanno'ne magani nookkita egenne!» yiinsa.

DAANIEELI 3:18

Moote! Gatisa giwinkero nafa magannakki magansi'neemmokkitanna uurrisoottotera culku misilera kumbuulleemmokkita afi» yitusi.

DAANIEELI 3:19

Hatte yannara Nabukadanatsoori Sidiraaqi, Misaaqinna Abidinaagora lowo geeshsha buwe hanqeenna albisi kolishshi'ri. Kunnira, giira albinni roore 7 ero bubbanno gede hajaji.

SOQQAMAASINETE LOOSO 12:23

Heeroodisi Maganoho ayirrinye aa hooginohura, hakkawoyintenni Mootichu sokkaasinchi ganeenna da'muule reyi.

UMI QORONTOOSI 1:20

Hatto ikkiro, egennaamu hiikko no? Hayyichu hiikko no? Xiinxallu hiikko no? Maganu tenne gobba egenno gowwimma ikkitanno gede diassino?

UMI QORONTOOSI 15:55

Tee reyo, qeellekki hiikko no? Tee reyo, gawajjattati wolqakki hiikko no?» yine borreessinoonni coyi wo'manno.

MARRO 32:18

Kalaqaanchinsa Maganuwiinni wirri yitino. Ilinonsaha jawaata golonsa habbino.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

MARRO 8:11

Techo barra eemmo'ne hajajo, seerasinna wogasi agadha hooggine Magano'ne Kaaliiqa habbinannikki gede qorophe.

IBIRAAWOOTA 11:15

Hattenne agurte fultanno gobba qaaggannoha ikkoommero, hakkiira higa dandiitanno.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

YOHAANNIS AJUUJA 20:9

Insano baatto baalate aana fincante Maganu manni qachanna isi baxanno katama doyissitu. Ikkollana gordunni giira dirrite guddunsa.