ISAYAASI 51:12 - Qullaawa Maxaafa

¹² Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 51:12 ပူးပေါင်းရင်းမြစ်များ

LAYINKI MOOTOOLLA 1:15

Hatte yannara Kaaliiqi sokkaasinchi Eeliyaasira, «Dirrite isi ledo ha'ri; waajjitooti!» yiisi. Eeliyaasino dirre roorrichu ledo mootenniwa mare,

FAARSO 118:6

Kaaliiqi ledo'ya hee're kaa'lannoe daafira, diwaajjeemmo; mannu assannoeri dino.

FAARSO 146:4

Insa reyitanno woyite bushsha e'anno; hakku barri hedonsa baalate gawalote.

LAWISHSHA 29:26

Lowo manni gashshaanchu yaannore agadhanno; taashshannohu kayinni Kaaliiqa callaati.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 2:22

Mannu wolqa hexxa agurre! Baalunku reyannohona, maminni kaa'le afannoyya?

ISAYAASI 40:1

Maganinke, «Manna'ya jawaachishshe! Manna'ya jawaachishshe!

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

ISAYAASI 52:9

Kaaliiqi mannisi wodana diggi assanno; Yerusaalameno gatisannose. Kunnira Yerusaalamete diigamme, mitteenni hagiirrunni faarse.

ISAYAASI 57:11

«Ane dogatenna hawate dandiitinihu, hiittenne maganna waajjitineeti? Waajja gibbinoonniehu, lowo yanna sammi yoommo daafiraatini?

ISAYAASI 61:2

Kaaliiqiha maarote diro, Maganinkeha rabbate barra kuleemmo gede, wi'litannore baala jawaachisheemmo gede,

ISAYAASI 66:13

Ama qaaqqose dogisiisidhannohu gede, anino ki'ne Yerusaalamete hagiidhitinanni heedhinanni gede asseemmo'ne.

ISAYAASI 8:12

«Manni'ya kunni manni gano ledo xaadoonke; insa yitannore baala waajjoonke; masoonke!

ERMIYAASI 38:19

Moote Sedeqiyaasi qole, «Ani ninke gibbe Baabiloonootunniwa e'inore waajjeemmo. Baabiloonootu insara sayisse uyituero gawajjitannoe yee yaadoommo» yiie.

HIZIQEELI 2:6

«Kayinnilla koo mancho, haxawarroota ikkiturono, insa coyidhanno coyeno waajjitooti! Haxawarroota ikkitinohura utu, kokko'lunna iddu gede ikkite waajjishshuhero nafa horonta waajjitootinsa.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

YOHAANNISI 14:18

Amanna anna afidhinokki ooso gede calluwa'ne diagureemmo'ne; galagale ki'newa dayemmo.

SOQQAMAASINETE LOOSO 9:31

Yihudaho, Galiilahonna Samaariyaho noo beetekiristaane keere afidhe hagiidhitu. Magano waajjatenninna Qullaawu Ayyaaninni jawaatte hala'litu.

UMI PHEEXIROOSI 1:24

«Mannu baalu hayissote gedeeho; ayirrinyisino xawu daraaro gedeeho. Hayisso mooltanno; daraarono giggiltanno.

UMI SAAMUEELI 15:24

Hakkunni gedensaanni Saaooli Saamueeli, «Cubbo loosoommo; Kaaliiqi hajajonna ati yoottore hunoommo. Olanto'ya waajje insa yitinore assoommo.

UMI SAAMUEELI 17:11

Saaoolinna mannisi konne coye macciishshite lowo geeshsha waajjite huxidhu.

UMI SAAMUEELI 21:13

Kunnira Daawiti insa albaanni wodana sainohu gede ikki. Mulinsara gamba yiiti, katamu huxxi waalcho caqamurrisanni, gororo gaccisi aana daashshanni makkalinohu gede ikki.