ISAYAASI 51:1 - Qullaawa Maxaafa

¹ Kaaliiqi, «Anenna gatisaanchimma'ya hasidhinanniri macciishshe! Fance haa'noonni'ne kinchonna, umme fushshinoonni'ne bale qaagge!

ISAYAASI 51:1 ပူးပေါင်းရင်းမြစ်များ

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 15:4

Qarru amadinsa yannara kayinni, Israeelete Magani Kaaliiqiwa alba higino; hasi'reno afi'rinosi.

FAARSO 24:6

Maganunniwa gamba yaannohunna, Yaiqoobi Magano hasi'rannohu hattoo manchooti.

FAARSO 94:15

Halaalu dargasi dihawanno; wodana subbinori baalu sumuu yite adhitanno.

LAWISHSHA 15:9

Kaaliiqi cubbaataammu doogo giwanno; danchummate hoode ha'rannoha kayinni baxanno.

LAWISHSHA 21:21

Keeraanchimmanna shaqqille baxanno manchi seeda diro hee'ranno; wolu mannino ayirrisannosi.

ISAYAASI 45:19

Maaxe tunsichu giddo dicoyi'roommo; Yaiqoobi sirchira, ‹Hasidhe"e› yoommohu mulla haafa di"ikkino; ani Kaaliiqi halaale coyi'reemmo; taalo coye lallawe kuleemmo.

ISAYAASI 48:1

Israeeli su'minni woshshinanni'neri, Yaiqoobi sirchinna Yihudu ga're, Israeelete Magano magansi'neemmo yitinanni, Kaaliiqi su'minni xaartinanni. Ikkollana yitinoonni coye halaalunninna keeraanchimmatenni diwonshitinanni.

ISAYAASI 48:12

Kaaliiqi, «Woshshoommo'neri Yaiqoobi ooso Israeele, macciishshe! Maganu ane callaati; albihuno gedensihuno aneeti.

ISAYAASI 51:4

«Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 51:7

«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.

ISAYAASI 55:6

Kaaliiqa leellanno yannara hasidhe; shiqqi yee hee'reenna woshshidhe.

ISAYAASI 65:10

Saarooni Xawi ge'reewu hosannowa ikkanno; Akoori Lagichirano lalu hosanno.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

MAATEWOOSI 5:6

Keeraanchimmate daafira hudidhannorinna goodhannori ba'raadhinoreeti; kassino yitannona.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

ROOMU SOKKA 10:3

Maganu keereensanno doogo afa hoogansara, uminsanni keeraanchimma hasidhanni, Maganu keeraanchimma hoode dihadhino.

ROOMU SOKKA 14:19

Mannu ledo keere hee'nanni garanna mimmito dhaambanni doogo ha'rate diinaggaambo.

FILIPHISIYUSI SOKKA 3:13

Roduuwa'ya, ani xaano hakka di"iilloommo; ikkollana mitto coye asseemmo; badhe'yaanni nooha hawanni, alba'yaanni nooha amadammora hiixateemmo.

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

LAYINKI XIMOOTEWOOSI 2:22

Busha qeedhichimmate yortowiinni xooqi. Xalalu wodaninni Mooticha woshshidhannori ledo keeraanchimma, ammana, baxillenna keere ha'runsi.

IBIRAAWOOTA 12:14

Mannu baalu ledo keere hee'ratenna qullaawoota ikkate jawaatte! Qullaambe nookkiha ayino Kaaliiqa la"a didandaanno.