ISAYAASI 50:2 - Qullaawa Maxaafa

² Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

ISAYAASI 50:2 ပူးပေါင်းရင်းမြစ်များ

KALAQAMA 18:14

Halaalinta ani Kaaliiqi dandeemmokkiri nooni? Daanno diro techonte gede atewa higeemmo; Saarano qaaqqo afidhanno» yiisi.

LAYINKI DUDUWO 32:15

Kunnira Hiziqiyaasi hatto yaanni dogoonke'ne; so'risiisoonke'ne. Isi yaannore horonta ammantinoonte! Aye maganino mannasi Asoori moote anganni mitte higeno gatise diegennino. Ki'ne maganino gatise afannokkiti xawoho» yitanno sokka soyi.

FAARSO 106:9

Duumu Baari isi rufeenna mooli; mannasi baaru giddoonni moola baatto aanaanni qole sayisi.

FAARSO 107:33

Kaaliiqi, hadhanno wayibba horonta mooltanno gede, bu'ano fultannokki gede assi.

FULO 14:21

Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu.

FULO 14:29

Israeelete manni kayinni, baaru giddoonni moola baatto kaxxe sa"anno yannara, wayi guransaanninna qiniitensaanni gammalu gede ikke uurri.

FULO 7:18

Giddo noo qulxu'mi baalu ree goofanno; wayino lowo geeshsha bowanno; Gibitsootu konne waa aga didandiitanno› yiino yite kuli» yiisi.

FULO 7:21

Wayi giddo noo qulxu'mi baalu ree goofi; wayi bowino daafira, Gibitsootu agate didandiitino. Gibitsete baatto baala mundee calla ikkitu.

LAWISHSHA 1:24

Anewa dagginanni gede anga'ya fane woshshoomma'ne. Ki'ne kayinni macciishsha dihasidhinoonni; ani yeemmareno dunqulli assitinoonni.

ISAYAASI 11:15

Kaaliiqi Gibitsete lawo mooshshanno; mannu baalu lekkatenni sa"anno gede Efiraaxisi Waa jawa bubbenni woggare mooshshe 7 shiimmaaddu xashshira soorranno.

ISAYAASI 19:5

Abbayi Wayi ajanno; suutu suutunni moolanno.

ISAYAASI 23:11

Kaaliiqi angasi baaru aanaanni diriirse, gashshoote baala hembeelsino; Kana"aani qiishono hunate hajajo uyino.

ISAYAASI 36:20

Tenne gobba baalate maganna mannansa ane anganni gatisidhino yanna nooni? Ki'ne, «Kaaliiqi Yerusaalame Asoori moote anganni gatisanno» yitine heddinannihu mayiraatiyya?› » yii.

ISAYAASI 41:28

Laeemmo woyite ki'ne giddonni mala aannohu mittuno dino; xa'mineenna xa'mo qolannohuno dino.

ISAYAASI 42:15

Ilaallanna gaarra diigeemmo; mu'ro baala mooshsheemmo; ha'ranno waa baala moola darga asseemmo; kofammano mooshsheemmo.

ISAYAASI 43:16

Alba Kaaliiqi baaru aana doogo seekkino; wayi mereero sa'nanni faro worino.

ISAYAASI 44:27

Ani lowo baaranna, giddosira tintanno wayibba baala mooshsheemmo.

ISAYAASI 51:10

Gatisoottonsari giddoonni higge sa'anno gede, lowo baara mooshshite, giddosiinni doogo fushshoottohu ateeti.

ISAYAASI 54:6

Shiima heedhe assidhinota, ayiddaannise fushshe huninosete gede, dadillaame ikkootta» yii. Ani Maganikki Kaaliiqi kayinni galagalche woshshe,

ISAYAASI 59:1

Kaaliiqi anga gatisate dihara'mitino; maccasino macciishsha digibbino.

ISAYAASI 59:16

Gadadantinore kaa'lannohu mittuno nookkita afe maala'li; kunnira gadadantinore isi umisi wolqanni kaa'le, qeelle afidhanno gede assi.

ISAYAASI 63:13

Xawoho ha'ranno farashshi gede asseennansa, diimete giddo hadhanni digufidhino.

ISAYAASI 64:6

Ninke baalunku cubbunni battaamboommo; keeraanchimmankeno xure fii'noonni hoccooti. Cubbinke batinyinni kainohunni moolle, diilallo giggishshitino daro gede ikkinoommo.

ISAYAASI 65:12

Woshsheenna, ‹Yee› yaa gibbine, coyi'reennano macciishsha gibbine, anera hajajama gibbine, bunshe assa doodhitinoonni daafira, jaddote reyo reyitinanni gede asseemmo'ne» yii.

ISAYAASI 66:4

Ani woshshummo yannara yee yaa gibbe, coyi'rummo woyiteno macciishsha gibbe, busha coye assa doodhitino daafira, waajjishannoha busha coye aanansa dirriseemmo» yii.

ERMIYAASI 14:9

Gara hawino manchi gedenna, kaa'lara dandaannokki olamaanchi gede mayira ikkitto? Kaaliiqa! Ati ledonke noottona, ninkeno mannakkiitina agurtootinke.

ERMIYAASI 35:14

Iyonaadaabi ilama nafa woyinete xajje aggannokki gede anninsa hajajinonsare agadhite woyinete xajje diaggino. Ki'ne kayinni ani marro marro hige kuloommo'nere diagadhitinoonni.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 5:1

Kaaliiqi Yerusaalamete mannira, «Hanni Yerusaalamete doogga baala kawanna ka'a higgine la'e; taalo coyi'rannohanna, halaale hasannoha mitto mancho nafa anfannini? Taalo coyi'rannohanna halaalaancho, mitto mancho nafa affiniro, Yerusaalame maareemmo.

ERMIYAASI 7:13

Konne baala assitine heedhineennanni, marro marro hige kuloommo'ne. Ki'ne kayinni macciishsha gibbinoonni; woshshummo'ne yannarano, «Yee» diyitinoonni.

ERMIYAASI 7:27

«Ermiyaasi! Ati konne baala qaale'ya manni'yara kulatto; insa kayinni dimacciishshitannohe. Ati woshshattonsa; insa kayinni, ‹Yee› diyitanno.

ERMIYAASI 8:6

«Ki'ne coyidhinannire seekke macciishshoommo; coyidhinoonniri kayinni halaale di"ikkino; ki'ne giddonni bushu loosisi daafira, gaabbinohu mittunku dino. ‹Ma sao assummo ikka› yiinonku dino; Ki'ne mitti mitti'ne olaho harfiixanno farashshi gede, umi umi'ne doogo doddinanni.

DAANIEELI 3:15

Xa xurumbu, gingilaatu, maasinqote, kiraarete, baganunna suusullete qoonqo macciishshitinanni woyite uurrisoommo misilera baattote aana gombisantine kumbuultiniro woyyate; kumbuula gibbiniro kayinni hakkawoyintenni bubbanno giira giddo tugantinanni. Anga'yanni gatisanno'ne magani nookkita egenne!» yiinsa.

DAANIEELI 3:29

«Togo asse gatisannohu wolu magani dino. Kunnira gashshooti'ya giddo hee'rannohunna addi addi afiinni coyi'ranno manni baalu mereero Sidiraaqi, Misaaqinna Abidinaago Magano xonannohu hee'riro, bisosi murmurre minesino diinge hunnanni gede hajajoommo» yii.

DAANIEELI 6:20

Hakkiira iille dadillaamu qaalinni, «Heeshshote Magani soqqamaancho Daanieeli! Barru baala ammanamatenni soqqamattosi Magani doobbiyu afiinni gatisahera dandiinoni?» yii.

DAANIEELI 6:27

«Isi gatisanno; gargareno fushshanno; isi gordohonna baattote aana, dhaggenna maalale assanno. Daanieelino doobbiyu afiinni gatisino» yee sokka soyi.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

HOOSEI 11:7

Manni'ya anewiinni fafate murici'rino daafira, kadamate qambara hogombeenna iima hige raaranno. Ikkeennano hakkonne qambara haxonsa aaninni kayise hoolansara ayino didandaanno.

NAHOOMI 1:4

Isi hajajonni, baarunna xashshu baalunku moolanno. Baasaaninna Qermeloosi Ilaallara noo mu'ro duuchanti qoortanno; Libaanoosi daraarono giggiltanno.

IMBAAQOOMI 3:8

Kaaliiqa, faradokkinna qeellennita faradi gaarekki gulufitto yannara, wayibba hanqissinoheni? Woy baaru aarsinoheni?

KIIRO 11:23

Kaaliiqino, «Halaalinta ane Kaaliiqi wolqa hanqatateni? Yoommo coyi ikkannotanna hoogannota afattona agari» yiisi.

MAARQOOSI 4:39

Isino kae bubbe ufe, «Uurri! Gabbi yii» yee rufita, bubbe uurriteenna lowo geeshsha ga'labbi yii.

YOHAANNISI 1:11

Isi isiriwa dayino; isiri kayinni dihaadhinosi.

YOHAANNISI 3:19

Yinoonni yoono: Xawaabbu tenne alame dayino; mannu kayinni loosisi busha ikkinohura xawaabbunkunni roore tunsicho baxino.

IYYAASU 3:16

wayi lolaha aguri. Tsaritaani mule, Adaami yinanni qachira kofame fafe duunami. Reyote Baariwa hige du'namanni noo lolahino co'onta uurri. Kunnira, mannu qarru nookkiha fule Iyyaarko mulira iilli.