ISAYAASI 5:7 - Qullaawa Maxaafa

⁷ Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

ISAYAASI 5:7 ပူးပေါင်းရင်းမြစ်များ

KALAQAMA 4:10

Kaaliiqi Qaayeelira, «Togo mayira assitto? Macciishshi; du'nantinoti rodiikki mundee rabbate baattotenni anewa higge raartanni no.

LAYINKI SAAMUEELI 7:10

Manni'yara Israeelete mitto darga doore hakkiicho heedhanno gede assoommo. Hakko heedhannowa kunni ka'a gadagu diamadannonsa. Kawiira daggeenna gashshitannonsare worummonsahunni kayisse, haxawarra gosa yanna yannantenni qassinonsa. Kunni ka'a kayinni hattoori di"ikkanno. Diinikkiwiinnni agarammoheranna minekkino kaajjishe ragidhannohe ilano eemmohe gede coyi'roommo.

IYYOOBI 34:28

Hakkuri buxane qarrisse, Maganunniwa higge raartanno gede assitanno; isino raarensa macciishshino.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 80:15

Tenne haqqicho angakkinni kaasi'rootto; kaajjite lophitanno gede assootto.

FULO 3:7

Hakkunni gedensaanni Kaaliiqi, «Manni'ya Gibitsete gobbara qarrame noo gara laoommo; gadadissannori anganni fushshannoha hasidhe raartino raare macciishshoommo; iillinonsa qarrano afe,

LAWISHSHA 21:13

Buxichu raarera umo duwe giwannoha, qarrame raareenna kaa'lannosihu dihee'ranno.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

FAARSO ROORE FAARSO 7:6

Baxillaancho'ya, ati hiitto biifootta! Hiitto xu'mootta! Baxillikki hiitto tashshi assanno!

ISAYAASI 1:21

Ammanamino katami hiitto foora mancho gedeeha ikki! Albaanni halaalu wo'minohonna keeraano heedhannowaati; xa kayinni manna shitannori giddo wo'mitinoha ikkino.

ISAYAASI 1:6

Kunninni kainohunni umunni lekkate geeshsha fayyimma dino'ne; bisi'ne darshe, madanna malaa calla ikkino; mada'neno xaginseenna dihurtannote.

ISAYAASI 27:2

Hakka waro, jajja fushshanno gati woyinete kaashshihu daafira faarse.

ISAYAASI 3:14

Kunnira mannisi albisootanna amaalaasine yoonniwa shiqqi asse, «Woyinete laalo gatissinikkinni mucuqqi assitine gudhitinoonni; buxanetewiinni wolqatenni haa'noonni jiro mine wonshidhinoonni.

ISAYAASI 3:15

Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

ISAYAASI 3:17

Ani uminsara madanna bo'roosho wore uminsa qooncho luqqaase mulla asseemmo» yii.

ISAYAASI 30:12

Kunnira Israeelete Qullaawa ikkino Magani, «Ani kuleemmore mishshinoonni daafira, beebbanna xagarro hexxitinoonni.

ISAYAASI 46:12

«Ki'ne keeraanchimmatewiinni xeertidhinoonniri, hettisamaano macciishshe!

ISAYAASI 5:2

Baatto loose, kinchono xinqe hoole, doorroonniha woyinete kaashsho kaasi'rino. Agarranni shae ganino; woyinete laalo huuncinanni kooffichuwano ume seekkino. Hakkunni gedensaanni dancha guma laaltanno yee agadhino; ise kayinni qaraaranno guma calla laaltino.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ISAYAASI 59:14

Ninkewiinni halaalu xeerti'rino; keeraanchimmano ninkewa shiqqi diyitanno. Halaalu gudumaaleho darga hooge xiiwamanno; ammanamano bayicho diafidhino.

ISAYAASI 59:4

Yoote shiqqinannita ikkinnina halaalu difulanno'ne; gartinara yitine kapho coyidhinanni; woloota gawajjate ma'litinanni.

ISAYAASI 62:5

Seemo beetto adhanno qeedhichi gede, kalaqinohehu Kaaliiqi atera galtekki ikkanno. Adhinohu idayichosinni hagiidhannonte gede, Maganikkino atenni hagiidhanno.

ERMIYAASI 12:10

Lowoti wole gobba gashshaano, woyinete kaashshiha darga'ya huntino; loosi'reemmo dargano kakkadde huntino; dancha gate'ya mullicho darga assitino.

ERMIYAASI 24:2

Mittu gimboolira yannatenni laaltinoti dancha laalo no; layinki gimboolira itate seekkinokkiti bulaassino laalo no.

ERMIYAASI 50:46

Ubbinanna macciishshinanni luulinni kainohunni, baatto shafantanno; luuluno hakkiinni sae wole gobbara leellanno» yii.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

HOOSEI 10:1

Israeelete manni lowo hunduruurro amaddino haqqicho woyinennite gedeeho. Qiniitu bati'rinsa deerrinni, batinye kakkalote darga seekkidhino. Baattonsa guma uyite duroonsitunsa deerrinni, kaphu magannara kumbuullannita kinchu misilla seesiisse seekkidhu.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

IMBAAQOOMI 1:3

Konne qarra baala afeemmo gede mayira assittoe? Tenne beebba assinanna mayira sammi yite la"atto? Kuneeti lowo geeshsha batidhino baonna beebba gaangeessite nooe. Base baalate gibbonna yekkeerama no.

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

MAATEWOOSI 23:23

«Ki'ne lawisiisaano, Seeru rosiisaanonna Farisootu, ki'nera aanne'e! Afuduudunniha, sunkurtunnihanna qimamenniha tonnunni mitto uyitinanni. Seeru giddo nooha qara qara coye kayinni facci assitine agurtinanni. Hattino taashshate, maarotenna ammanamate. Hakkoreno agurtinikkinni koreno wonsha hasiissanno'nehu gatino.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

MARRO 15:9

‹Asale agurrannihu lamalki diri iillino› yitannoti busha hedo galteenna'ne qarraataamu rodii'nera kaajjitinannikki gedenna, mittoreno uyitinisikkinni gattinannikki gede, isino Kaaliiqira ku'leenna saote kiiranno'nekki gede qorophe!

YAIQOOBI 5:4

Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.