ISAYAASI 5:25 - Qullaawa Maxaafa

²⁵ Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 5:25 ပူးပေါင်းရင်းမြစ်များ

UMI MOOTOOLLA 14:11

Katamaho reyannoha Iyorbiaami mini manna baala woshshu itanno. Xawoho reyannoha doowiru itanno. Konne coye coyi'roommohu ani Kaaliiqaati› yiino yite kulisi» yii.

UMI MOOTOOLLA 16:4

Katamu giddo reyannoha minikki manna woshshu itanno; gobba xawoho reyannoha baala doowiru itanno» yiino.

UMI MOOTOOLLA 21:24

Ate ayidde ikkinoha katamaho reyannoha baala woshshu itanno. Katamu gobbaanni reyannoha doowiru itanno› yiino» yiisi.

LAYINKI MOOTOOLLA 13:3

Kaaliiqi hanqino Israeelete aana buwi. Kunnira marro marro hige Sooriyu moote Azaheelinna beettisi Benihadaadi angara sayise uyinsa.

LAYINKI MOOTOOLLA 9:37

Gatinohu manninatise fudu gede hakkiicho billaallanno. Kunnira ewelummase bade afannohu dihee'ranno› yiino garinniiti» yii.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

IYYOOBI 9:13

Maganu hanqosi badhera diqolanno; Reaabi yinanniha baaru moyicho kaa'litinore cancanino.

FAARSO 106:40

Kunnira, Kaaliiqi mannisira hanqi; isino hashakki're giwinsa.

FAARSO 114:7

Ati baatto! Kaaliiqi albaanni, Yaiqoobi Magani albaanni waajjillunni qece yii.

FAARSO 18:7

Maganu hanqino daafira, baatto huxidhu; shafantu; ilaallate hundino milli yii.

FAARSO 68:8

Siina Ilaali Magani albaanni, Israeelete Magani albaanni baatto huxidhu; gordu xeena lolaasi.

FAARSO 77:18

Gugattokki luuli base tuqa iilli; belequ gobba baala xawisi; baattono qece yite huxidhu.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 83:10

Insa Endoori yinanniwa gudootto; reeshshinsano xawoho hoqe gati.

FULO 7:19

Kaaliiqi Musera, «Aarooni Gibitsete gobbara noo wayibba, xashshuwatenna kofamma baalate aana siqqo kayisanno gede kulisi; hattenne yannara wayi baalu mundeete soorramanno; haqqunninna kinchunni seekkinoonni uduunni giddo noo wayi nafa gatikkinni mundee ikkanno» yii.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 14:19

Ati kayinni madaaramittokkinni, mullawa tugante hiiqqaqqantino sinna gede kakkadamatto; reeshshikki aana olunniwa reyitino olanto reeshshi duunamanno. Reeshshikki insahu ledo kinnaame balera uwe kakkadamanno.

ISAYAASI 23:11

Kaaliiqi angasi baaru aanaanni diriirse, gashshoote baala hembeelsino; Kana"aani qiishono hunate hajajo uyino.

ISAYAASI 25:11

Waa daahannohu gede assite anga fantanno; ikkollana Kaaliiqi heeshshi assannonsa daafira, angansa shaqqite waa ikkitanno.

ISAYAASI 29:2

Mitto barra kayinni ani Kaaliiqi, «Kaaliiqi Kakkalo Dargaati» yinanni Katama shetiseemmo. Hakkiichi dadillunna wi'late darga ikkanno; katamuno mundee aanaho lolaansoonni dargi kakkalonnihu gedeeha ikkanno.

ISAYAASI 42:25

Kunnira Waajjishanno ola soye, buwannoha hanqosi aananke dirrisino. Hanqisi giira doyissite noonke; ninke kayinni dihuwantoommo; diinowodanchinoommo.

ISAYAASI 51:20

Oosokki woshshaado amaddino bullichi gede, shaqqite madde baalate ubbino. Kaaliiqi hanqinna, Maganikki rufa dirrite amaddannonsa.

ISAYAASI 64:3

Kunni albaanni dagge ninke hendoommokkiha, waajjishanno coye assitto waro, ilaalla ate affe waajjite huxidhino.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ISAYAASI 9:11

Kaaliiqi kayinni Tsiyooni Ilaalira insa aana bala tuganno diina kayisanno.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:20

Mitto widoonni afidhure baala ittanno; ikkeennano hude shitannonsa daafira reyitanno. Kunnira, uminsa ooso maala nafa ittanno.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 15:3

Shoole addi addi doogonni qorichisheemmonsa; kunni daafira, olunni reyiteenna, reeshshansa woshshu goshooshanno. Maalansa allaatte ittanno; gatino raqe moyichu gudanno.

ERMIYAASI 16:4

Bushu dhibbinni reyitanno; wi'lannonsahunna madaarannonsahu dihee'ranno. Reeshshinsa ishinu gede xawoho duunamanno; olunna hude guddannonsa. Reeshshinsa moyichohonna allaattete sagale ikkanno.

ERMIYAASI 17:4

Hanqo'ya giirate gede bushshitine xoannokkiha assitinoonni daafira, iqqoommo'ne baatto hoogginanni gedenna egentinoonnikki gobba hadhine diini'nera soqqantinanni gede asseemmo'ne» yii.

ERMIYAASI 4:24

Ilaallate widira qole laeemmo woyite, huxidhanni no. Gaarrano laoommo; insano shafantanni no.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

ERMIYAASI 6:12

Ani Yihudu manna qorichisheemmo yannara, mininsa, gatinsanna galtensa nafa gattukkinni, wolu mannira sayise eemmo. Konne coye coyi'roommohu ani Kaaliiqaati.

ERMIYAASI 8:2

Miqqansa gamba assine madaara agurre, ishinu gede xawoho billaallinsanni. Insa magansidhanninna amaa'litanni baxillunni soqqantanni heedhino arrishsho, aganinna beeddahe albaanni tunge agurranni.

ERMIYAASI 9:22

Kaaliiqi, « ‹Mannu reeshshi ishinu gede base baalate tugamanno; minde worroonniwiinni, gamba assinannikki gidi gede ikkanno› yite, mannaho kuli» yiie.

ERMIYAASI QURTO 5:22

Woy horontanni giwoottonkeni? Hanqikkirano gawalo dinoni?

HIZIQEELI 15:6

«Kunnira, Mootichu Kaaliiqi yaannoti tenneeti: Woyinete haqqicho dubbunni haa'ne giirranninte gede, Yerusaalamete hee'ranno mannano haa're,

HIZIQEELI 30:25

Gibitsete moote daafurse Baabilooni moote jawaachisheemmo. Ani anga woreemmosi bagadinni Gibitsete heemmeeqi'ranno yannara, mannu baalu ani Kaaliiqa ikkoommota afanno.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

HOOSEI 14:4

Kaaliiqi, «Manni'yata ammana hoogansa hurse, anewa qoleemmonsa. Wo'mu wodaninni baxeemmonsa; hanqo'yano insawiinni fafiseemmo.

AMOOTSI 8:8

Kunni coyira baatto shafantanno; hatte gobbara hee'rannohu baalu wi'lanno; Abbayi Wayi wo'me iima hige kae galagale dirrannonte gede, gobba gudisante tenqe yitanno.

MIKIYAASI 1:4

Hattenne yannara giira daaqissanno gaga gede, ilaalla lekkasira woroonni daaqqanno. Roggeno lagicha dirranno wayi gede ikkitanno.

NAHOOMI 1:5

Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

SOFFOONIYAASI 1:17

Kaaliiqino, «Ane albaanni cubbo loosatenni sao assitinohura, ballinohu gede jaanjura geeshsha mannu baalu aana wolqaataamo qarra abbeemmo. Mundeensa wayi gede lolakkanno; reeshshinsano fudu gede mullawa tugamanno» yaanno.

MARRO 31:17

Hatte yannara hanqi'ya aanansa buwanno. Anino callachisheemmonsa; alba'ya insawiinni shawwu asseemmo; insano ba'anno. Lowo qarrinna lowo shetto iillitannonsa. Hakko barra, ‹Tini bao iillitinonkehu Maganinke ledonke nookkihuraati› yitanno.

MARRO 31:18

Kaphu magannawa higatenni assitino bunshenni kainohunni, hakka waro horontanni alba'ya insawiinni shawwu asseemmo.

UMI TESELONQE 2:16

Daga gattanno qaale kulleemmokki gede nafa hooltannonke. Kunni garinni cubbu aana cubbo lexxitanni heedhanno. Kunnira xa goofimarchoho Maganu hanqi dayinonsa.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.