ISAYAASI 5:23 - Qullaawa Maxaafa

²³ Gubbo itte sao assinoha keereensite, gawajjamino manchi halaale dawissannorira aanne'e!

ISAYAASI 5:23 ပူးပေါင်းရင်းမြစ်များ

UMI MOOTOOLLA 21:13

Lamunku yawaawulootu naqaashshe Naabute mule ofoltu. Mannu baalunku albaanni ka'e, «Naabute Maganonna moote shollishino» yitu. Hakkunni gedensaanni Naabute katamaho gobbaanni fushshite kinnatenni gante shitusi.

LAYINKI DUDUWO 19:7

Halaale dawisa, mallaadanna gubbo ita Maganinke Kaaliiqi baxannokki daafira, taalo yoo yiiyye! Maganono waajje!» yiinsa.

FAARSO 94:21

Keeraanchoho gano gantanno; beebbaataamu reyanno gede maltanno.

LAWISHSHA 17:15

Keeraanchoho beebba woranna, cubbaataamo keereensa, lamunku Kaaliiqi giwanno coyeti.

LAWISHSHA 17:23

Bushu manchi halaale dawisara yee, maaxe gubbo itanno.

LAWISHSHA 24:24

Busha, «Ati keeraanchoho» yaannoha, mannu rumannosi; gosano gibbannosi.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 10:1

Manna'ya gadadisate kaajjado seera fushshitinannirira anne'e!

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

ISAYAASI 28:7

Qeesootunna himanaano nafa dimbite gaggabbanno. Lowota woyinete xajjenna dimbissanno agatto aggeenna wodanu soorrameenna Kaaliiqi aannonsa ajuuja nafa dibuuxxanno; ku'linanninsa coye nafa garunni coyidhe ditirtanno.

ISAYAASI 29:21

Beebbatenni manna bushiishshannore, coyi'ramannoha yoote darga sarraaqqannorenna keeraanchu manchi halaale beeshshate kapho naqqassannore baala Kaaliiqi hunanno.

ISAYAASI 32:7

Garimalu manni busha looso loosanno; buxanete ku'lo haa'nannita ikkituro nafa, insa gudate gano gananno.

ISAYAASI 59:15

Halaalu baino daafira, bunshetewiinni xooqannohu gawajjinanniha ikkanno» yii. Kaaliiqino halaalu bainota afe dadilli.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

MAATEWOOSI 23:35

Kunninni kainohunni, baattote aana du'nantinoti keeraanchu Aabeeli mundeenni kayisse Qullaawu Mininna kakkalote dargi mereero shitinoonnihu Barakiyi beetti Zakkaariyaasite geeshsha duntiniti keeraanote mundee yitanno'ne.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

YAIQOOBI 5:6

Keeraancho beebbatenni bushiishshinoonni; gargadhe afannokkiha shitinoonni.