ISAYAASI 5:20 - Qullaawa Maxaafa

²⁰ Busha, danchaho; dancha bushaho; tunsicho xawaabbaho; xawaabba tunsichoho; qaraarannoha coommannoho; coommannoha qaraarannoho yitannorira aanne'e!

ISAYAASI 5:20 ပူးပေါင်းရင်းမြစ်များ

IYYOOBI 17:12

Hashsha, barraho yitanno; hashshu taalootira, sooda rahino yitanno.

FULO 23:7

Beebba coyidhooti; ani busha loosannoha dikeereenseemmona, keeraancho mancho beebbatenni shitooti.

LAWISHSHA 17:15

Keeraanchoho beebba woranna, cubbaataamo keereensa, lamunku Kaaliiqi giwanno coyeti.

LAWISHSHA 4:17

Cubbu sagale ittanno; barshu agatto agganno.

ISAYAASI 24:9

Woyinete xajje aganni hagiidhannohu dihee'ranno; dimbissanno agattono qaraartanno.

ISAYAASI 29:21

Beebbatenni manna bushiishshannore, coyi'ramannoha yoote darga sarraaqqannorenna keeraanchu manchi halaale beeshshate kapho naqqassannore baala Kaaliiqi hunanno.

ISAYAASI 30:10

Maganu soqqamaanonna himanaano, «Kaaliiqi yiinore kultinoontenke; halaaleno dudubbinoontenke. Kapho nafa ikkiro, ninke halchinoommore calla macciishshinammora hasi'neemmo.

ISAYAASI 32:5

Hakkunni gedensaanni gowwoota, egennaammaho diyinanni; garimaloota diayirrinsanni.

HIZIQEELI 13:19

Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

AMOOTSI 5:7

Yoo dawissinanniriranna, halaale kaphoho soorritinannirira ki'nera aanne'e!

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

IMBAAQOOMI 1:4

Seeru shoshshoggino; yoono dabbino. Kunni daafira cubbaataammu keeraano doyissite amadde qarrissanni no.

MILKIYAASI 2:17

Kaaliiqa haafu coyi'nenni hifachiishshinoonnisi. Ki'ne kayinni, «Hiissine hifachiinshummosi?» yitinanni. Iso, «Olantote Mootichi Kaaliiqi bunshe assitannore naadanno» woy, «Halaale coyi'ranno Magani hiikko no?» yitinanni hifachiishshinoonnisi.

MILKIYAASI 3:15

Kunni ka'a boonaleeyye, ‹Baraadhinoreeti› yineemmo. Kune insa hagiidhite heedhanno. Bunshe assitannori jiro afi'ratenni sa'e Magano jiffanno; isino diqorichishinonsa» yitinoonni.

LUQAASI 16:15

Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

MARRO 25:1

«Lamu Israeelichi giwante yoote daanyootunniwa hadhuro, daanyootu gawajjaminoha keereensite, gawajjinoha assino saora ereccishshona.

LAYINKI PHEEXIROOSI 2:1

Ikkollana albi yannara kaphaano himanaano mannu giddo noonte gede, ki'ne giddono kaphu rosiisaano heedhanno. Insa wodinonsa Mootichira nafa badhe wodhite, rakke huntanno bao uminsa aanira goshooshidhanni, huntanno huluullo luuxisse eessitanno.