ISAYAASI 5:16 - Qullaawa Maxaafa

¹⁶ Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

ISAYAASI 5:16 ပူးပေါင်းရင်းမြစ်များ

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

FAARSO 21:13

Kaaliiqa, wolqakkinni kainohunni ayirri; jawaantekkira galanteemmohe; faarsineemmohe.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

ISAYAASI 12:4

Qoltine, «Kaaliiqa galatte! Su'masino ayirrisse! Isi assinore dagate mereero dudubbe! Roorresino kulle!

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 2:17

Haxawarrootu baatto la'anno; boonaleeyye umo heeshshi yitanno; Kaaliiqi callu ayirranno.

ISAYAASI 2:9

Kunninni kainohunni baalanka saalunna shollinyu amadannonsa. Kaaliiqa ballo, saonsa agurtooti!

ISAYAASI 28:17

Taashsha, bikkinanni siiwo asseemmo; keeraanchimma qole, sumbete heelliicho asseemmo. Golo assidhinoonni kapho kaade gantanno; maaxantinanniwano lolahu adhe sa"anno.

ISAYAASI 29:23

Anga'yanni kalaqoommota oosonsa mereeronsa affanno yannara Israeelete Qullaawa ikkoommo Magano ane galattannoe. Su'ma'yano ayirrissanno; waajjatennino soqqantannoe.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 33:10

Kaaliiqi daga baalate, «Xa ani mitto coye assammora kaeemmo; ayirrinye'yanna wolqa'ya leellisheemmo'ne.

ISAYAASI 33:5

Kaaliiqi wo'munkura aliidiho; iima gordoho hee'ranno; Tsiyooni keeraanchimmanna halaale wonshanno.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

ISAYAASI 61:8

Kaaliiqi, «Ani halaale baxeemmo; mulqi'ranna sao giweemmo. Ammanama'yanni manni'yara malino ba'raa'ra eemmo; insa ledono hegere gondooro e"eemmo.

ISAYAASI 8:13

Ani Olantote Mootichi Kaaliiqi qullaawa ikkoommota hawoonke; waajjinannihu ane callaati.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 28:22

Hakkiicho hee'ranno mannira ani Mootichu Kaaliiqi yeemmore kulinsa: Sidoona, ani atera hanqunni kaoommo; ate aana asseemmore lae, mannu baalu ayirrisannoe. Ate giddo heedhannore qorichishatenni Qullaawa ikka'ya leellisheenna ani Kaaliiqa ikkoommota afanno.

HIZIQEELI 28:25

Mootichu Kaaliiqi, «Israeelete manna billaallisoommo gobba baalatenni qole abbeemmonsa. Dagano ani Qullaawa ikkoommota affanno; Israeelete manni soqqamaanchi'ya Yaiqoobira oommotera uminsa baattora hee'ranno.

HIZIQEELI 36:23

Insa mereero xonamanno gede assitinoonnihu qullaawu su'mi'ya dagate mereero ayirranno gede asseemmo yannara, ani Kaaliiqa ikkoommota affanno. Ani Mootichu Kaaliiqi konne coye coyi'roommo. Ani Qullaawa ikkoommota daga ki'ne widoonni higge affanno gede asseemmo.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

KIIRO 20:13

Israeele Kaaliiqi ledo giwantinohunna isino Qullaawa ikkasi leellishinonsahu hakkiichooti. Kunnira hakkonne darga Meriiba yitu. Hatto yaano giwanshote yaate.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

UMI PHEEXIROOSI 1:16

«Ani qullaawa ikkoommonte gede, ki'neno qullaawoota ikke!» yine borreessinoonni.

UMI PHEEXIROOSI 2:15

Danchumma assatenni balala coye coyi'rannoha hawanya manna coyi'ra hooltinanni gede Maganu fajjooti.

UMI PHEEXIROOSI 3:15

Mooticha Kiristoosa wodani'nenni ayirrisse. Ki'nera noo'ne hexxo garinni xa'mitanno'nerira baalaho dawaro qolate wo'manka woyite qixxaabbinoonnire ikke.

YOHAANNIS AJUUJA 3:7

«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno:

YOHAANNIS AJUUJA 4:8

Shoolunku kalaqami mittu mittunku lee qoolla afidhino; qoolu giddoyidi nafa gatikkinni illuwa wo'mitinoho. Hashshano barrano fooliishshidhukkinni, «Qullaawu, qullaawu, qullaawu; Hee'rinohu, noohunna daannohu, Wo'manka Dandaannohu Mootichu Maganu» yite faarsitanno.