ISAYAASI 5:13 - Qullaawa Maxaafa

¹³ Wodancha hoogansanni kainohunni ki'ne manni'ya qafadantinanni; ayirradda hude guddanno; mannano goo'ro shitanno.

ISAYAASI 5:13 ပူးပေါင်းရင်းမြစ်များ

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

LAWISHSHA 10:21

Keeraanchu manchi arrawi lowo manna dhaawanno; gowwootu kayinni wodancha hoogansanni reyitanno.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 1:7

Kuneeti gobba'ne ona ikkitino; katamma'neno giirante gooffino; loosidhinanni bayichono ille'ne la'anna allaggu wole gobba manni adhanno; baalanka coye gudde baatto'ne noori nookkita assitanno.

ISAYAASI 23:9

Tenne malinohu Olantote Mootichi Kaaliiqaati; isi konne coye assinohu boo'nansa agurtanno gede assatenna, ayirradda shollishara hedeeti.

ISAYAASI 27:11

Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

ISAYAASI 3:1

Kune Olantote Mootichi Kaaliiqi mannu hexxinore sagale, waanna wole coye baala Yerusaalametenninna Yihudunni haa're hoolanno.

ISAYAASI 3:3

gaadaannuwansanna gashshaanonsa, kiilaanonsanna hayyoolensa baala gudanno.

ISAYAASI 44:19

«Haqqa kare gama giidhe sagale raisi'roommo; maalano du'rishi're itoommo; gatinoha boce magansi'nanni misile seekki're xa isera kumbuulammoraati?» yee hedannohu nafa dino.

ISAYAASI 49:21

Hakkunni gedensaanni wodanikkinni, ‹Ani ile hee'renni ilaweelo ikkoommate; qafadame ha're manniweele hee'roommate. Tini ooso maminni daggute? Ayi ile uyinoete? Lossinonsahu ayeti?› yaatta» yii.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

ERMIYAASI 14:18

Xawo fuleemmo woyite reyino manni reeshsha afeemmo; katama e"eemmo woyiteno hude guddanni noo manna laeemmo; himanaanonna qeesootu kayinni ikkinore affannokkiha, loosonsa loosidhanno» yee kuloommonsa.

ERMIYAASI 14:3

Mootoolla soqqamaanonsa waa dirritara kofamma sokkanno; shiima waano hoogge ora'e, mulla gambayibba adhite higganno.

ERMIYAASI 8:7

Rumichu, lembooli, teenni-qocenna qo'laante, hawado darante hadhe, arro galagalte higganno yanna egentino. Ki'ne manni'ya kayinni, ani oommo'ne hajajo diegentinoonni.

ERMIYAASI QURTO 4:9

Gedensaanni sagale hoogge, hudetenni sununni reyitinorinni, bagadu shiinori woyyate.

HIZIQEELI 7:12

Kuneeti yanna iillitino; barruno gambisino. Qorichi'ya baalunku aana daannohura, hirannohu gaabboonke; hidhannohuno hagiidhoonke.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

AMOOTSI 8:13

Hatte yannara, jawaante afi'rinohu aju labballinna meenti nafa, goo'rote batinyinni kainohunni daaqanno.

LUQAASI 19:44

Atenna giddokki noota oosokki tugge cancantanno; Maganu towatahera dayi yanna diafoottana, diiggukkinni mitto kinchono diagurtanno» yii.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

LAYINKI PHEEXIROOSI 3:5

Kuni manni lowo yannara albaanni gordu Maganu qaalinni kalaqaminotanna baattono wayinni xaadde wayi mereero noota affanni heedhenni, afinokkihu gede ikkitanno.