ISAYAASI 5:12 - Qullaawa Maxaafa

¹² Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

ISAYAASI 5:12 ပူးပေါင်းရင်းမြစ်များ

KALAQAMA 31:27

Kulittoekkinni maaxante ha'ratenni mayira dogittoe? Kuloottoeha ikkoommero, hagiirrunninna faarsotenni, dibbetenninna baganunni geegiissineemmohe.

LAYINKI SAAMUEELI 19:35

Ani kune 80 diri geerchooti. Anera xa diniqannoeri dino. Iteemmorinna ageemmori nafa nyammi diyaannoe. Macca'ya sirbitannori huuro nafa badde diaffanno. Hakkiira ha'rummoro ateralla duha ikkeemmo.

IYYOOBI 34:27

Hatto assannohu, isi hoode ha'ra agurtinohuranna, hajajosi mishshinohuraati.

FAARSO 28:5

Insa Kaaliiqi loosonna assino coye baala lashshi assitino daafira, hiiqqaqqe tugannonsata ikkinnina, galagalche dikayisannonsa.

ISAYAASI 22:13

Ki'ne kayinni yinoonnita agurtine, «Ga'a reyineemmoreentillana techo into, ango» yitine, saada gorridhine maala ittinanni; woyinete xajjeno agginanni ji'litinanni.

ISAYAASI 24:8

Tashshi yaannohu, maasinqotenna dibbete luuli dihee'ranno.

ISAYAASI 29:1

Daawiti teesso ikkoottatera Kaaliiqira kakkallanni dargira ate Yerusaalamete aanne'e! Diru dirunkunni ayyaanna ayirrisidhella!

ISAYAASI 5:19

«Hanni la'neemmona Kaaliiqi assannore rahe diassannoyya? Hanni anfeemmona Israeelete qullaawa ikkinohu hedinore rahe assossiyya!» yitinannirira baalaho aanne'e!

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

HIZIQEELI 26:13

Sirbakkinna gingilaatunnita huurokki baala sammi asseemmo.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

LUQAASI 16:19

Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.

UMI QORONTOOSI 14:7

Lubbo afi'rinokki uduunnicho, suusulle ufuunfiro woy gingilaate ganniro, hendoonnire kayinni malaatisa hoongiro ufuunfanninna gannanni hee'noonni uduunnichi qoonqo mayinni bande anfanni?

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.