ISAYAASI 49:9 - Qullaawa Maxaafa

⁹ Atino usuranyoota, ‹Amme fultine hadhe!› Tunsichoho noore, ‹Xawaabbunniwa amme!› yaatto. Doogga baalate sagale ittanno; mullichu gaari aana intanni sagale afidhanno.

ISAYAASI 49:9 ပူးပေါင်းရင်းမြစ်များ

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 41:18

Moola gaarrara wayibba lolakkanno gede asseemmo; laggateno bu'a fultanno; halallitte gobbara wayi eelanno gede asseemmo; moola baattora xashshu lolahanno.

ISAYAASI 9:2

Tunsote hee'ranno manni lowo xawaabba lai; reyote caali gobbara heedhannorira, caabbichu fuli.

FAARSO 69:33

Maganu gadadaammu huuccatto macciishshanno; usurame nooha mannasi sammi yee diaguranno.

QOLASIYAASI SOKKA 1:13

Isi tunsichu gashshooti giddonni fushshe, baxannohu Beettisi gashshooti giddora eessinonke.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

EFESOONI SOKKA 5:8

Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

LUQAASI 1:79

Kuni caabbichi, tunsotenna reyote caalira heedhanno baalira xawanno; lekkankeno keeru doogo widira qole ha'risanno» yee himani.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 34:23

Soqqamaancho'ya Daawiti lawanno moote allaalete woreemmo; isino seekke allaalannonsa.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

ISAYAASI 5:17

Ge'reewu minu diigamino darga hayisso itanno; meuno hakkiicho hosanno.

FAARSO 146:7

Shettinorira halaale coyi'ranno; hudidhinorira sagale aanno; usurantinore tire fushshanno.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

MARRO 32:13

«Kaaliiqi, mannisi gaaraame Kana"aani baatto gashshanno gede assino; gatinsa laalchono ittanno gede assinonsa. Kinnate giddonni malawo itisinonsa; kinnaame baattora zayitete ejersa fushshinonsa.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

ISAYAASI 48:17

Gatisanno'nehu Israeelete Qullaawi Kaaliiqi, «Woyyanno'nere baala rosiiseemmo'nehunna, hadhinanni doogo kuleemmo'nehu Magani'ne Kaaliiqi aneeti.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

LEEWAAWOOTA 25:54

Tenne doogo duuchante garinni wodama hoogiro, isinna oososi wolaphote diro wolaphitona.