ISAYAASI 49:2 - Qullaawa Maxaafa

² Arrawo'ya bisete gede gamaxaminoha assino; angasi caalira woroonni maaxinoe; qunxoonni maxxi gede kou giddo worinoe.

ISAYAASI 49:2 ပူးပေါင်းရင်းမြစ်များ

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

FULO 33:22

ayirrinyi'ya gaamaarre albakkiinni sa'anno woyite, dadhamino kinchi giddo woreemmohe; sa"ammo geeshsha anga'yanni goleemmohe.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ISAYAASI 51:16

Gorduwa diriirsoommohunna baatto xintoommohu aneeti. Tsiyoonino, ‹Ati manna'yaati› yeemmo; qaale'ya afiikkira woroommo; ateno anga'ya caalinni goloommo» yii.

ERMIYAASI 1:18

Ermiyaasi, yeemmohere macciishshie! Tenne baattora heedhannori, Yihudu mootoolla, gashshaano, qeesootinsanna manninsa ate aana ola kayissanno. Ikkollana diqeeltannohe; insa qeelatto gede wolqa'ya qiinshoonni katami gede jawaata assitannohe. Siwiilu tuuqi gedenna camote huxxi gede asseemmohe. Ani atera gaarameemmohe daafira insa qeeltahera didandiitanno. Konne coye coyi'roommohu ani Kaaliiqaati» yii.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

IMBAAQOOMI 3:11

Worbichu gede kaattannotenna urdete gede bilicci yitanno banqonni kainohunni, arrishshonna aganu darga dargansa uurritu.

LUQAASI 23:46

Yesuusi qoonqosi naggi asse, «Anna! Kuneeti, lubbo'ya Atera eeggo uyi'roommo!» yii. Hatto yiihu gedensaanni foolu fuli.

EFESOONI SOKKA 6:17

Gatonnita siwiilu gullee umoho wodhe; Qullaawu Ayyaani bise ikkinoha Maganu qaale suxxe.

IBIRAAWOOTA 4:12

Maganu qaali lubbo afi'rinohonna loosannoho; lamu afii bisenni roore iibbinoho; lubbonna ayyaana, mikitanna qoe bada geeshsha raqqe e"e qasanno. Wodanu giddo noo hedonna yorto fonqole yoo yaanno.

YOHAANNIS AJUUJA 1:16

Qiniiticho angara lamala beeddakko haa're no; afiisinni lamenka wido iibbitino bise fultu; albisino barru taali arrishsho gede xawanno.

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.

YOHAANNIS AJUUJA 2:12

«Phergamooni Katamira noo beetekiristaane sokkaasinchira, « ‹Lamenka afoo iibbitino bise noosihu:

YOHAANNIS AJUUJA 2:16

Kunni daafira aagintaabbe higi. Hatto ikka hoogittoro, rahe atewa daye afii'yanni fultanno bisenni insa qaseemmo.