ISAYAASI 48:4 - Qullaawa Maxaafa

⁴ Ki'ne higginannikkiha mokkookkitine, haxo siwiilu gede kaajjitinoonnire ikkitinoonnita afoommo.

ISAYAASI 48:4 ပူးပေါင်းရင်းမြစ်များ

LAYINKI MOOTOOLLA 17:14

Insa kayinni hajajama gibbino. Maganinsara Kaaliiqira ammanantinokkiri akaakkansa gede haxo mokkookkitino.

LAYINKI DUDUWO 30:8

Annuwa'ne gede haxo mokkookkitinoonte. Kaaliiqira hajajamme; hegerera qullaawa assinohuwa Qullaawu Minisiwa Yerusaalame amme. Buwanni nooha hanqosi aani'nenni hoolanno gede Magano'ne Kaaliiqa magansidhe.

LAYINKI DUDUWO 36:13

Moote Nabukadanatsoori ammanamannosi gede Maganu su'minni xaarsiisi'rinohu Sedeqiyaasi aanasi kai. Mokkookke wodana kaajje Israeelete Magani Kaaliiqiwano higa giwi.

NEHIMIYA 9:28

«Ikkollana, keere afidhanni heedhenni, galagalte cubbo loossino; atino galagalchite qeelte gashshitannonsa diinnara sayisse oottonsa. Qarrinsa yannara kaa'lo afi'rate atewa higge raartino; atino gordoho heedhe macciishshoottonsa; maarokki jawimmanni kainohunni yanna yannantenni gatisoottonsa.

FAARSO 75:5

Haxo sangaaggitannokki gedenna, naaxxitannokki gede kuleemmonsa» yaanno.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

FULO 32:9

Kuni manni mokkookka ikkinota ani afoommo;

FULO 33:3

Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.

FULO 9:7

Feriooni ikkinore xa'meenna, Israeelete saada mitte nafa reyitinokkita kullisi; kuni duuchu ikke hee'reennanni wodanisi dillaawino daafira manna ha'rara diagurino. Darshe

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

ISAYAASI 30:9

Insa wo'manka woyite kaphitanni Kaaliiqira badhe wodhite hexxinannikkire ikkitino.

ISAYAASI 46:12

«Ki'ne keeraanchimmatewiinni xeertidhinoonniri, hettisamaano macciishshe!

ERMIYAASI 19:15

«Israeelete Magani Olantote Mootichi, ani yeemmore macciishsha giwate haxo mokkookkitinona, ‹Kunni katamiranna qooxeessisira noo katammara, dagganno yee kuloommo bao abbeemmo› yiino» yoommo.

ERMIYAASI 3:3

Kunnira, badheessinna hawadi xeeni dirrannokki gede hooloommo. Ati kayinni foortanno mancho gede saaliweelo ikkootta.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 7:26

Ikkollana macciishshinohunna wodana assinohu dino. Saimanka harrichu gede haxo mokkookkitine hettisantinannire ikkitinoonni.

HIZIQEELI 2:4

Insa mokkookkootahonna wodana xillitinoreeti. Kunnira, ani Mootichu Kaaliiqi kuleemmonsare baala egensiisattonsa gede insawa soyemmohe.

DAANIEELI 5:20

Ikkollana boonaleessa, hettisamaanchonna kakkacha ikkita, gaacheenisi mulqameenna ayirradu barcimisi aaninni dirrino.

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

MARRO 10:16

Kunni daafira, wodana co'o yitine keeraa'me; kakkachimma'neno agurre.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

IBIRAAWOOTA 3:13

Ki'ne giddonni ayino cubbunni dogame wodana dillaawannokki gede, techo barri ninkeha ikke hee'reenna barru barrunku mimmito'ne jawaachishshe.