ISAYAASI 48:12 - Qullaawa Maxaafa

¹² Kaaliiqi, «Woshshoommo'neri Yaiqoobi ooso Israeele, macciishshe! Maganu ane callaati; albihuno gedensihuno aneeti.

ISAYAASI 48:12 ပူးပေါင်းရင်းမြစ်များ

LAWISHSHA 7:24

«Beetto'ya ballo xaano macciishshi; yeemmohere seekkite wodanchi.

LAWISHSHA 8:32

«Xa ki'ne ooso'ya, macciishshe"e; seejjo'ya macciishshitannori baraadhinoreeti.

ISAYAASI 34:1

Ki'ne daga, amme macciishshe! Ki'ne manna, wodana asse! Baattonna aanase noori, uullanna uullate giddonni fulannori baalu macciishsho!

ISAYAASI 40:26

Iimira gordo higgine la'e! La'inanni beeddahe kalaqinohu ayeti? Olantote gaadaanni gede albaanni ha'rannonsa; kiironsano egennino; mitte mittenta su'misenni woshshanno. Wolqasi lowota ikkitino daafira, giddonsanni mitte nafa dixe'anno.

ISAYAASI 41:4

Konne assinohu ayeti? Bi're hundinni kayise ikkito baala dhaawinohu ayeti? Ani Kaaliiqi bi're hundanni noommoho; kunni gedensihuno aneeti.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 43:11

«Kaaliiqi ane callaati; ane agurranna gatisannohu wolu dino.

ISAYAASI 44:1

Kaaliiqi, «Doodhoommohehu soqqamaanchi'ya Yaiqoobi, macciishshi!

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 46:3

Kaaliiqi mannisira, «Ama'ne godowira heedhineenna duhoommo'nerinna, kaa'loommo'neri Yaiqoobi ooso macciishshe"e.

ISAYAASI 46:4

Geedhitine awuubbina geeshsha, duheemmo'nehu aneeti; ani kalaqoommo'ne; qoleno towateemmo'ne; kaa'leemmo'ne; gatiseemmo'ne.

ISAYAASI 49:1

Ki'ne giddichuwate heedhinanni gosa macciishshe"e! Xeerto gobbara heedhinannirino wodanche. Kaaliiqi ilamammora albaanni woshshinoe; ama'ya godowi giddo hee'reennanni doorinoe.

ISAYAASI 51:1

Kaaliiqi, «Anenna gatisaanchimma'ya hasidhinanniri macciishshe! Fance haa'noonni'ne kinchonna, umme fushshinoonni'ne bale qaagge!

ISAYAASI 51:4

«Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 51:7

«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

MAATEWOOSI 20:16

Hakkunni gedensaanni Yesuusi, «Hattonni gedensiidiri albiidire ikkitanno; albiidiri gedensiidire ikkitanno» yii.

ROOMU SOKKA 1:6

Ki'neno Yesuusi Kiristoosire ikkitinanni gede, dagate giddonni Maganu woshshino'ne.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

UMI QORONTOOSI 1:24

Woshshantinorira kayinni, Ayihude ikkito Giriikete mannira, Kiristoosi Maganu wolqaatinna Maganu egennooti.

MARRO 32:39

« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 1:11

«La'anni noottore maxaafaho borreessite, Efesooni, Semirineesi, Phergamooni, Tiyaxiroosi, Serdeesi, Filidelfiyahonna Lodooqiyaho nootera lamalante beetekiristaanera soyi!» yiie.

YOHAANNIS AJUUJA 1:8

Noohunna hee'rinohu, daannohuno, Wo'manka Dandaanno Magani Kaaliiqi, «Albihunna Gedensihu aneeti» yaanno.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 2:8

«Semirineesi Katamira noo beetekiristaane sokkaasinchira, « ‹Ree kae heeshshonniha ikkinohu, albihunna gedensihu:

YOHAANNIS AJUUJA 22:13

Umihunna Goofimarchunnihu, Albihunna Gedensihu, Hanafonnihunna Jeefonnihu aneeti» yii.