ISAYAASI 48:11 - Qullaawa Maxaafa

¹¹ Ani ane umi'ya daafira yee konne coye asseemmo; su'mi'ya mishamara dihasi'reemmo; ayirrinye'yano woleho sayise dieemmo» yii.

ISAYAASI 48:11 ပူးပေါင်းရင်းမြစ်များ

FAARSO 106:8

Ikkollana wolqasi jawaante leellishara, su'misi daafira gatisinonsa.

FAARSO 115:1

Ayirrinyu ninkera ikkikkinni Kaaliiqa, ninkera ikkikkinni, bagamannokkihu baxillikkiranna, halaalaanchimmakki daafira ayirrinyu atera ikko.

FAARSO 25:11

Kaaliiqa eeggate, cubbi'ya bati'rinona, su'mikkira yite saie.

FAARSO 25:7

Anje'yanni hee're assoommo cubbonna sao kiirtootie; Kaaliiqa ballo, danchummakkira yite, bagamannokki baxillikkinni qaagie.

ISAYAASI 37:35

Ayirrinyi'ya daafiranna soqqamaanchi'ya Daawitira oommo hexxo daafira yee konne katama ani umi'ya gargare gatiseemmo» yee coyi'ri.

ISAYAASI 42:8

«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 48:5

Konne coye baalanka albanni balaxe kuloommo'ne; hatto assoommohuno, ‹Magannanke togo assitino; haqqunnitinna siwiilunniti misillanke konne coye heddino› yitine naaxxitinannikki gedeeti.

ISAYAASI 48:9

Su'mi'yara yee hanqo'ya keeshshiisheemmo; galati'ya daafira yee hanqi'ya gudanno'nekki gede ittiseemmo.

ISAYAASI 52:5

Ki'ne manna'ya mulla adhine ha'nanna ani hige ma"asseemmo? Gashshaano ki'ne qacifattanni aneno sammi yite mishshanni xontannoe.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

HIZIQEELI 20:14

Ikkollana, Israeele Gibitsete gobbanni haa're fushshannansa lai manni albaanni su'mi'ya arrassamannota giwoommo daafira hatto diassoommo.

HIZIQEELI 20:22

Ikkollana, Israeele Gibitsetenni fushsha'ya affino gosa su'ma'ya arrassitara hasi'roommokkihura, anenee hooloommo.

HIZIQEELI 20:39

Mootichu Kaaliiqi, «Kuneeti xaano ki'ne Israeele ani yeemmota macciishsha gibbiniro, baxxinoonnire baala asse. Hadhine, kaphu magannano magansidhe; hakkunni gedensaanni kayinni, kaphu maganna'nera kakkalo shiqishshinanni qullaawa su'ma'ya dishollishshinanni.

HIZIQEELI 20:44

Ki'ne Israeele, bunshe'nenna bushu loosi'ne garinni ikkikkinni, su'mi'yara yee asseemmo'ne danchummanni ani Kaaliiqa ikkoommota affinanni. Konne coye coyi'roommohu ani Mootichu Kaaliiqaati» yii.

HIZIQEELI 20:9

Ikkollana, ledonsa hee'rannohu wole gobba manni afanna Gibitsetenni fushshammonsara xaaroommo daafiranna su'mi'ya arrassamara hasi'roommokkihura hatto diassoommo.

HIZIQEELI 36:22

«Xa kune ani Mootichu Kaaliiqi insara yeemmore baala kulinsa. Kunni ka'a asseemmore, martini gobba baalate xonsiissinoonnihu qullaawu su'mi'ya daafira yee asseemmo ikkinnina ki'ne Israeelete daafira yee di"ikkino.

DAANIEELI 9:17

Maganonke! Huuccatto'yanna eegama'ya macciishshi. Mooticha'ya! Su'mikkira yite diigaminoha Qullaawa Minekki gatamari.

YOHAANNISI 5:23

Hatto assinohu mannu baalu Anna ayirrisannonte gede, Beettono ayirrisanno gedeeti. Beetto ayirrisannokkihu Beetto soyinoha Annano diayirrisanno.

ROOMU SOKKA 2:24

«Ki'nenni kainohunni Maganu su'mi dagate mereero xonamanno» yine borreessinoonnihu kunniraati.

UMI SAAMUEELI 12:22

Kaaliiqi umisi manna assira'nera hede, bayiru su'misi daafira yee mannasi diaguranno.