ISAYAASI 47:8 - Qullaawa Maxaafa

⁸ «Ati wodanikkinni, ‹Ane gedeehu dino› yite, atenee Maganu ledo taashshootta. ‹Galtiweelo di"ikkeemma; woy ilaweelono di"ikkeemma› yite, bashshi assattakkiha hawaqidhe hee'rattati, konne coye macciishshi!

ISAYAASI 47:8 ပူးပေါင်းရင်းမြစ်များ

ISAYAASI 14:14

Gomichoho aleenni sae, Wo'manka Dandaanno Magani gedeeha ikkeemmo» yite hedootto.

ISAYAASI 32:11

Ki'ne yaaddo nookkiha la'mitine heedhinanniri, xa kayinni waajjitine huxidhe! Imaana'ne fushshidhine, halloho xiddu uddano xaaxidhe!

ISAYAASI 32:9

Ki'ne qawaaxxidhine heedhinanni meenti, ka'ine ani yeemmore macciishshe! Ki'ne dese'e yitine heedhinanni meenti, macca'ne anewa qolle!

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 45:5

«Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

ISAYAASI 45:6

Hatto asseemmohuno, soojjaatinni galchimi geeshsha noo gosa, ani callu Kaaliiqa ikkoommotanna, ane agurranna wolu nookkita affanno gedeeti.

ISAYAASI 47:10

« ‹Afannoehu dino› yite, bunshekkinni naaxxootta; hayyokkinna egennokki so'risiissinohe; atenee Maganu gede assite kiirootta.

ERMIYAASI 49:31

Ani Kaaliiqi Baabilooni mootera, ‹Daggine huxxu, cufannanna waawanna nookkiha fano heedhenni, bashshi assitukkinni hawaqidhe noo gosara bala tugi› yee kuloommosi.

ERMIYAASI 50:11

Kaaliiqi, «Ki'ne Baabilooni gosa! Manna'ya mulqidhine hagiidhitinanni kukkubbitinoonni; kalote giddo burraaqqanno adde gede ikkitinoonni; misino farashshi gede himimmissinoonni.

ERMIYAASI 51:53

Baabilooni gordu iimira fule, qiisho qiishi'riro nafa, hakkiichira mare gudannosi diina soyemmo» yii.

HIZIQEELI 16:49

Soddoomunna seennise duushshitino sagale afi're qarru nookkiha keere hee'rinohura naaxxino; buxanenna qarrantinore dikaa'lino.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 30:9

«Hakku barri iilleenna Gibitse ba'anno yannara, fafisi're keere hee'rannoha Itiyophiyu manna olunni waajjishiishshanno soqqamaano, markaawetenni soyemmo. Mannuno waajje huxi'ranno; hakku barrino mule no!»

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 4:22

«Moote'ya! Hatti seedanna jawaata haqqicho ateeti; jawimmakki gordu geeshsha iillitino; roorrekkino kalqe baala tuqqino.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

DAANIEELI 4:4

«Ani Nabukadanatsoori gashshooti'ya mine lowo geeshsha duroo'menna qawaaxxi're hee'reemmo.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 5:30

Hakko hashshanni Baabilooni moote Belshaatsaari shini.

NAHOOMI 1:10

Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.

NAHOOMI 3:4

Kuni baalunku ikkinohu, Nennewe foorrenni kainohunniiti. Qoleno, biinfillisinninna wojji assitanno xummesinni, dagate mootoolla baalanta woshshaade amade, angasi galtanno gede assinohuraati.

IMBAAQOOMI 1:7

Insa waajjishshannoreetinna masissannoreeti; uminsa ayirrinye agarsiisi'rate seera qixxeessidhanno.

SOFFOONIYAASI 2:15

Kuni katami, «Ane ka'a wolu dino!» yee hawaqi're keerunni hee'rino. Xa kayinni, moyichu hosannowa mulla darga ikke gatanno. Hakkaanni hige sa"annohu baalu addintanni maala'lanni umo shafanni fiiqanno.

LAYINKI TESELONQE 2:4

Kuni Bunshete Manchi maganoho yine magansi'nannihunni roore umosi gotti gotti asse, «Ani Maganoho» yaanni Qullaawa Mine ofollanno.

EJJEETTO 18:27

Hakkunni gedensaanni Miika seekki'rino misillanna qeesichasi Layishira haadhe hadhuhu gedensaanni, yaaddo nookkiha keere hee'ranno manna marte qassu; katamansano giirtu.

EJJEETTO 18:7

Hakkunni gedensaanni, ontunku manni hakkiichinni ka'e Layishi yinanniwa hadhu. Hakkiicho noo manni Sidoonootu gede, yaaddo nookkiha keere hee'rannoha ikkinota affu. Gobbate mitturino hoongori nookki daafira mannu dureeyyete. Sidoonootuwiinni xeerti're hee'ranno; aye ledono xaado diafi'rino.