ISAYAASI 47:5 - Qullaawa Maxaafa

⁵ «Ati Baabilooni, sammi yite tunsichoho ofolli; kunni ka'a, Gaashshaanote Mootitte yine diwoshshinannihe;

ISAYAASI 47:5 ပူးပေါင်းရင်းမြစ်များ

FAARSO 31:17

Kaaliiqa ballo, ate woshshi'reemmona, saalfachishshootie; bushuullu kayinni saalfatto; jeennaate e'e sammi yito.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

ISAYAASI 13:10

Mitte mittentinna mittowa tuuddino beeddaheno dixabbanno; arrishshono fultanni heedhenni xo'anno; aganuno dixawanno.

ISAYAASI 14:23

Baabilooni baatto rirriwa asseemmo daafira, ulaaulle qalantannowa ikkitanno; baote feyanchinni co'o asse feemmonsa. Konne coye coyi'roommohu ani Olantote Mootichi Kaaliiqaati» yii.

ISAYAASI 14:4

Baabilooni moote, «Kune haxawarru moote uwino! Kunni ka'a isi ayeno digadadisanno!

ISAYAASI 21:9

Qotanni hee'reenna hedeweelcho farado gulufino manni daanna afoommo» yii. Mittu manchi qoonqosi naggi asse, «Baabilooni uwi; magannansano ubbe cancanantu» yii.

ISAYAASI 23:2

Ki'ne markaawete daddalaasine duroonsitino'neri, giddichote heedhinannirinna, Sidoona daddalaasine sammi yiiyye.

ISAYAASI 47:1

Kaaliiqi qole, «Ati seyante egenninoonnihekkiti Baabilooni seemo, ayirrinyu barcimikki aaninni dirrite, bukote aana ofolli; kunni ka'a xummekkinna biinfillikki dihee'ranno.

ISAYAASI 47:7

‹Ani hegere geeshsha moohe hee'reemma› yootta; assoottare mittoreno diqaagootta; kunni baalunkura gawalo mamaatiro diafootta.

ERMIYAASI 25:10

Giddonsa hagiirru, qeexaalu, adhatenna adhamate ililleetteno diheedhanno; daammu luulinna xawanno caabbichi dihee'ranno.

ERMIYAASI 8:14

Mannuno insa insanaawa, «Sammi yine mayira ofollineemmo? Maganinke Kaaliiqi reyote yoo yiinonke. Cubbo loonse isi aana sao assinoommohura, hunankera shaanno waa hayikkisinonkena, amme qiinshoonni katamma widira hinge xoonqe, hakkiicho reyine ba'nona.

ERMIYAASI QURTO 1:1

Mannu wo'me hee'rannoti Yerusaalame, hiitto fano gattu! Gobba gosa ayirrisseenna heedhinoti, galte shiidhino mancho gede hiitto callase gattu! Katammate giddo mootitte ikkite heedhinoti, kuneeti borojjicho ikkitino.

ERMIYAASI QURTO 2:10

Yerusaalamete geerri xiddu uddano uddidhe, umoho buluulo giggishshidhe, sammi yite bukote aana ofoltanno. Yerusaalamete seennino haxo heeshshi yee uulla la"anno.

IMBAAQOOMI 2:20

Kaaliiqi kayinni Qullaawu Minisi giddo no. Kunnira mannu baalu isi albaanni sammi yoo.

ZAKKAARIYAASI 2:13

Kaaliiqi qullaawu dargisinni daanno daafira, baalunku albasiinni sammi yiiyye.

YIHUDA 1:13

Saalsiissanno ikkitonsaha hambaa karfa yitanni, hanqe dayinoha baaru dambala labbanno; hegere geeshsha beebbu tunsichi agare noonsa; ka'anna kawa raataabbanno beeddahe gedeereeti.

YOHAANNIS AJUUJA 17:18

Laitto mancho, bati'ra baattote mootoolla aana moohino katamaati» yiie.

YOHAANNIS AJUUJA 18:7

Umose la'misidhinonna qawaaxxisidhino bikkinni, qarranna yaaddo uuyyese! Wodanisenni, ‹Gunnittete gede ikkikkinni, mootittete gede ikke ofolloomma. Dadillu horo diamadannoe› yite adawadhitanno.

UMI SAAMUEELI 2:9

«Isi ammanantinosiri qaafo agaranno; bushuullu kayinni tunsote ba'anno; mannu umisi wolqanni qeelle diafi'ranno.