ISAYAASI 47:1 - Qullaawa Maxaafa

¹ Kaaliiqi qole, «Ati seyante egenninoonnihekkiti Baabilooni seemo, ayirrinyu barcimikki aaninni dirrite, bukote aana ofolli; kunni ka'a xummekkinna biinfillikki dihee'ranno.

ISAYAASI 47:1 ပူးပေါင်းရင်းမြစ်များ

IYYOOBI 2:13

Lamala barranna lamala hashshano isi ledo uulla ofoltu. Qarrisi saima ikkinota affino daafira, insa giddonni mittu nafa cuqqi yiinohu dino.

IYYOOBI 2:8

Iyyoobino biso duuqqara bacce adhe, buluulu aana ofolli.

FAARSO 137:8

Baabilooni atino diigamatta; ninke aana assitta bunshe baalate ate rabbisannohu galataminoha ikko.

FAARSO 18:27

Umonsa heeshshi assitinore gatisatto; boonaaleeyye heeshshi assatto.

FAARSO 89:44

Gashshote siqqicho angasinni hoolootto; ayirrinyu barcimasino uulla tugootto.

ISAYAASI 13:1

Amootsi beetti Isayaasi, Kaaliiqi Baabilooni daafira kulanna macciishshino sokka aante noote:

ISAYAASI 13:13

Ani Olantote Mootichi Kaaliiqi aara'ya leellisheemmo barra, gordo shafeemmo. Baattono dargisenni milli yitanno gede asseemmo.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 21:1

Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ISAYAASI 23:12

Kaaliiqi, «Sidoona Katama, hagiirrikki diri goofino; atino hiiqqamootto; darantine Qophiroosi hadhinirono difooliishshidhinanni» yii.

ISAYAASI 26:5

Isi boonaleeyye shollishanno; iimaanni higinoha katamansa diiganno; diige bushshu ledo karsiisanno.

ISAYAASI 3:26

Yerusaalamete Katama e'nanni waalchuwara raarenna wi'la macciishshinanni. Katamuno mulla heedhe manchitte ofoltino mancho gedeeha ikkanno.

ISAYAASI 37:22

Ani Kaaliiqi Senaakireemira, Yerusaalamete manni ate mishe arrassannohe; xooqatto yannarano ajiiffatannohe.

ISAYAASI 52:2

Qafadamoottati Yerusaalame, ka'e buko giggishshi'ri; ayirrinyu barcimira ofolli; ki'ne Tsiyooninni qafadantinoonniri, usurroonni'ne cagaage goowunni fushshitine tugge!

ERMIYAASI 13:18

Kaaliiqi mootetenna mootete amara, «Ayirrinyi'ne ba'latto umi'ne aaninni ubbinona, ayirradu barciminsa aaninni dirritanno gede kulinsa.

ERMIYAASI 46:11

Seemo beetto lawattati Gibitse, xaggakki kaa'litannori dinoote; hursannoherino dinona, Geleaadi marte buudhinanni xagicho hasi'ri.

ERMIYAASI 48:18

Qiishosi baala diigantanno gede assinohunna, Moaabi hunannohu konniicho noona, Dibooni Katamira heedhinanniri baalu, dirritine uulla bukote aana ofolle.

ERMIYAASI 50:1

Kaaliiqi Baabilooni gobbaranna giddo hee'ranno manni baalunkura kuleemmo gede ane Ermiyaasira,

ERMIYAASI 50:42

Insa digaananna urde amaxxitinoreeti; kaajjaddahonna marartannokkireeti; faradinsa hirbi dambalu gedeeho. Baabilooni, kune insa ate qassara dagganni no.

ERMIYAASI 51:1

Kaaliiqi, «Baabilooninna mannasi, fiite huntannota wolqaataame bubbe kayiseemmo.

ERMIYAASI 51:33

Israeelete Magani Olantote Mootichi Kaaliiqi, «Ayiddummete aana gannanni gide, mannunna saada kakkaddannohu gede, Baabiloonino diinu hatto asse sibbiiqanno. Gannanni gidi gede, gamba assinannisi barri rahe daanno.

ERMIYAASI 51:51

‹Xonnoonninke daafira, saalu amadinonke. Qullaawu Dargira Kaaliiqi Minira, wole gobba manni eino daafira, sholline umo heeshshi yinoommo› yitinanni.

ERMIYAASI QURTO 2:10

Yerusaalamete geerri xiddu uddano uddidhe, umoho buluulo giggishshidhe, sammi yite bukote aana ofoltanno. Yerusaalamete seennino haxo heeshshi yee uulla la"anno.

ERMIYAASI QURTO 2:21

Wedellunna geerru mittu garinni reyite dooggate ubbu; wedellanna aja seenne diinu bagadi gudino; hanqikki barra mararro nookkiha gorrisiisootto.

ERMIYAASI QURTO 4:5

Coommitinota dancha sagale ittannori, xa doogga baalate hudetenni reyitanni no. La'mite lophitinori, giggiltino sagale hasidhanni ishine hogooffanno.

HIZIQEELI 26:16

Baaru mule noo gobba mootoolla ayirradu barciminsa aaninni dirritanno; maareekonnihanna gashshootu imaana mulqidhe, waajjite huxidhanni uulla ofoltanno. Atera iillino qarra heddanni lowo geeshsha masse huxidhanno.

HIZIQEELI 28:17

Danikki xummenni kainohunni naaxxootto; maccaha ikkakki gowwa assitinohe. Kunninni kainohunni woro qole wigidiidoommohe; wole mootoollano atenni jiiltanno gede assoommo.

YOONAASI 3:6

Nennewe moote konne coye macciishshe, ayirradu barcimisi aaninni dirre, mootimmate uddanosi fushshe xiddu uddano uddi're buluulu aana ofolli.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

YOHAANNIS AJUUJA 18:7

Umose la'misidhinonna qawaaxxisidhino bikkinni, qarranna yaaddo uuyyese! Wodanisenni, ‹Gunnittete gede ikkikkinni, mootittete gede ikke ofolloomma. Dadillu horo diamadannoe› yite adawadhitanno.