ISAYAASI 45:9 - Qullaawa Maxaafa

⁹ Kaaliiqi, «Loosaasinchu ledo hettisamannohura aanne'e! Doru uduunnichi ganannoha, ‹Ma assitanni nootto? Ogimma dinohe!› yee afannoni?

ISAYAASI 45:9 ပူးပေါင်းရင်းမြစ်များ

IYYOOBI 10:9

Bushshunni assite seekkittoeta diqaagatto? Mayiraatiyya galagalchite bushshu giddora qolattoehu?

IYYOOBI 33:13

Tenne affanni heedhe, ‹Maganu mannu ku'lo dimacciishshanno!› yite, iso mayira abbooshshi'rattoyya?

IYYOOBI 40:2

«Halaalinta ati Wo'manka Dandaanno Magani ledo yekkeeramootto; xa sammi yaattonso, dawaro qolatto?» yiisi.

IYYOOBI 9:12

Hasi'rinore adhiro hoolannosihu ayeti? ‹Ma"assitanni nootto?› yaannosihu nooni?

IYYOOBI 9:4

Isi egennaamohonna wolqaataamoho; iso yekkeere qeelara dandaannohu ayeti?

LAWISHSHA 21:30

Mannu egenno, wodanchanna hedo, Kaaliiqi yiinore ittissara didandiitanno.

ROSIISAANCHO 6:10

Ikkannohu baalu albanni ikkanno yinoonniho; mannu ikkannoti albanni anfoonnite. Ayino jawaantetenni roorannosihu ledo yekkeeramara didandaanno.

ISAYAASI 10:15

Kaaliiqi kayinni Asoori mootera, «Meesane bocanno mancho rooroomma yitannoni? Magaaze muranno mancho roortannoni? Siqqo manchu kayisikkinni ka'e affannoni?» yiino.

ISAYAASI 29:16

Insa baalanka coye galchitanno. Dora ganannohunna doru uduunnichi woyite hiikku rooranno? Seekkinoonni uduunnichi seekkinosiha, «Ati diseekkoottoe» yaannoni? Woy kayinni, «Seekkinanni gara diegennootto» yaannoni?

ISAYAASI 45:10

Woy beettu annasinna amasi, ‹Togooha mayira iltinie?› yee xa'mannoni?

ISAYAASI 64:7

Cubbinkenni kainohunni alba go'loottonkehuranna, facci assite aguroottonke daafira, su'makki ganannohunna, ate hasi'rannohu dino.

ISAYAASI 64:8

Ikkirono, Kaaliiqa ati ninkera annankeeti; ninke bushshaho. Seekkoottonkehu ateeti; ati angakkinni kalaqoottonke.

ERMIYAASI 18:6

« ‹Israeelete manna! Ani ki'ne dora gananno manchi assi gede hasi'rummota assa didandeemmo? Kune doru ganannohu anga noonte gede, ki'neno ane anga heedhinoonni› yite kulinsa» yiie.

ERMIYAASI 36:29

Moote Iyoaaqeemirano, «Kaaliiqi, ‹Baabilooni moote daye tenne baattonna aanase nooha mannanna saada gudeemmo yiino yitanni mayira borreessootto?› yite xaanxoonni goga giirte hunootto.

ERMIYAASI 50:24

Baabilooni! Ane Kaaliiqi ledo gaarantinoonni daafira, hedeweelcho woroommo woshshaado giddora e'inoonni.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

UMI QORONTOOSI 10:22

Hatto assine Mooticha hinaasiinsoni? Ninke isinni roore jawaanteemmoreetini?